New York planifikon që të paguajë 100 dollarë për çdo person i cili do të marrë dozën e parë të vaksinës kundër koronavirusit.
Ishte vetë kryebashkiaku Bill de Blasio që e ka njoftuar një ide të tillë gjatë një konference për shtyp ditën e sotme.
“Stimujt ndihmojnë jashtëzakonisht shumë. Unë mendoj se kjo është një masë shumë, shumë tërheqëse për njujorkezët dhe që do të ketë një ndikim të madh”, tha Kryetari i Bashkisë Bill De Blasio.
Ky stimul do të fillojë ditën e premte (30 korrik) dhe do jetë në dispozicion për të gjithë personat që marrin dozën e parë të koronavirusit.
Fondet do të disbursohen përmes një kartele debiti të parapaguar e cila do të shpërndahet gjatë 15 minutave të vëzhgimit që u janë nënshtruar ata që janë të vaksinuar për arsye sigurie.
59% e popullsisë së qytetit ka marrë të paktën një dozë të vaksinës, ndërsa 54% janë plotësisht të vaksinuar.
g.kosovari
