Nga Anglia në Spanjë dhe Shqipëri, vendet po nxitojnë të përdorin energjinë e erës dhe atë diellore me ritme rekord.
Kjo në një luftë globale për mbijetesën e tregjeve të energjisë e si rrjedhojë edhe luftë kundër ndryshimeve klimatike.
Për pjesën më të madhe të vitit të kaluar, efektet e luftës bënë që çmimet e energjisë të rriten në shumë pjesë të botës, me Evropën të goditur veçanërisht rëndë.
Edhe pa atë treg, Rusia mbetet një gjigant energjetik. Dhe qymyri ka pasur një ringjallje, duke mposhtur shpresat për arritjen e qëllimeve për të frenuar emetimet e gazeve serrë.
Megjithatë, perspektiva nuk është e gjitha e zymtë, dhe gati një vit pas luftës, historia nuk është aq e thjeshtë.
Pushtimi i Ukrainës ka pasur rezultate të përziera kur bëhet fjalë për energjinë dhe klimën, veçanërisht në terma afatgjatë.
Në të gjithë Evropën, faturat e gazit pothuajse u dyfishuan dhe kostot e energjisë elektrike u rritën me rreth 70 për qind në gjashtë muajt e parë të luftës, sipas Indeksit të Çmimeve të Energjisë Familjare, i cili gjurmon kostot e energjisë.
Kostot u rritën për një sërë arsyesh.
Vendet evropiane filluan të heqin dorë nga karburantet fosile ruse në një përpjekje për të shkaktuar dhimbje në ekonominë e Vladimir V. Putin.
Nga ana tjetër, Rusia uli ndjeshëm eksportet e saj të naftës në vendet evropiane dhe në korrik shkurtoi eksportet e gazit natyror në Evropë.
Në përgjithësi, ky nuk ishte një skenar i mirë për klimën, e cila vazhdon të ngrohet me shpejtësi si rezultat i konsumit të karburanteve fosile.
Shumica dërrmuese e shkencëtarëve të klimës thonë se për të kufizuar shtrirjen e ngrohjes, njerëzit duhet të kalojnë drejt energjisë së rinovueshme sa më shpejt që të jetë e mundur.
Bashkimi Evropian po punon për të përmirësuar lejet për projektet e rinovueshme, vendet po garojnë për të ndërtuar panele diellore dhe disa vende, përfshirë Gjermaninë, po ngadalësojnë planet për të hequr gradualisht energjinë bërthamore.
Ndërsa Evropa dhe Shtetet e Bashkuara, për shembull, kanë para për të ndërtuar me shpejtësi kapacitetin e erës dhe diellit, vendet më të varfra në Afrikë dhe Azi po përpiqen të plotësojnë nevojat e tyre imediate.
Marrë nga “New York Times”, përshtatur për Albanian Post
/e.d
