Zjarre të shumta “pushtuan” vendin tonë duke djegur sipërfaqe të tëra toke. Me uljen e temperaturave, duket se kjo situatë më në fund po shkon drejt normalizimit.
Në një intervistë për Report Tv, Drejtori zjarrfikëses së qarkut Lezhë Agustin Pepkolaj, tha se situata tani më është nën kontroll, ndërsa foli edhe për mungesën e logjistikës dhe nevojën për investime në shërbimin zjarrfikës.
Sipas tij i domosdoshëm është një flotë ajrore në mënyrë që të mund të kontrollohen situata të tilla.
“Realisht mendoj që edhe vendet e tjera në këto raste nuk i kanë mjetet për ta përballuar këtë situatë që kaloi Shqipëria. Ne duhet të shohim si mund ta përmirësojmë këtë situatë. Në prioritetet e qeverisë do të jetë një përkushtim më i madh në logjistikë. Por Shqipëri ka nevojë për një flotë ajrore. Dhe shërbimi pyjorë zjarrfikës të jetë më i kompletuar.
Shërbimi zjarrfikës nuk është i trashëguar, shërbimi zjarrfikës ka nevojë imediate për një qendër trajnimi. Personeli i shërbimit zjarrfikës të jetë i trajnuar, pasi personeli tani është i patrajtuar” tha Pepkolaj për Report TV.
