Kryeministri izraelit, Benjamin Netanyahu, ka akuzuar kreun e Sekretarin e Kombeve të Bashkuara, Ban Ki-moon se po nxit terrorin.
Duke iu referuar palestinezëve, Ki-Moon deklaroi se ishte në natyrën njerëzore të popujve të shtypur që të reagonin ndaj okupatorit. Po ashtu, duke folur në Këshillin e Sigurimit të OKB-së, Sekretari dënoi edhe sulmet e fundit të izraelitëve ndaj palestinezëve.
“Komentet e Sekretarit të Përgjithshëm të OKB-së inkurajojnë terrorin. Nuk ka asgjë që justifikon terrorin”, deklaroi kryeministri izraelit, Netanyahu. Ai gjithashtu tha se palestinezët nuk duan të dinë për paqe apo për të drejtat e njeriut.
Më shumë se 155 palestinezë, 28 izraelitë dhe një amerikan kanë vdekur nga dhuna që nga tetori i vitit të kaluar.
Autoritetet izraelite thonë se shumica e palestinezëve të vdekur kanë qenë agresorë, ndërsa të tjerët janë vrarë nga forcat e sigurisë gjatë përleshjeve të armatosura.
