Kryeministri izraelit Netanyahu u nis sot për në Uashington, ku do të takohet me presidentin amerikan Donald Trump në Uashington, DC të martën. Lajmi është bërë i ditur nga mediat izraelite sipas të cilave, Netanjahu u tha gazetarëve se takimi me Trump mund të “riformojë më tej Lindjen e Mesme”.
Para se të hipte në avionin e tij “Krahu i Sionit” për fluturimin e tij në Uashington, kryeministri Netanjahu tha se bisedimet e tij në kryeqytetin amerikan do të fokusohen në çështje të rëndësishme dhe kritike për Izraelin dhe rajonin.
“Agjenda do të jetë arritja e fitores mbi Hamasin, për të siguruar lirimin e të gjithë pengjeve tanë dhe për të luftuar të gjithë komponentët e boshtit terrorist iranian që kërcënojnë paqen e Izraelit, Lindjes së Mesme dhe të gjithë botës”, tha Netanyahu.
Duke qenë se Netanyahu është lideri i parë botëror që ka një takim zyrtar me presidentin amerikan Donald Trump, që nga inaugurimi i tij, kryeministri izraelit deklaroi se kjo është dëshmi e fuqisë së aleancës izraelito-amerikane, ndërsa pohoi gjithashtu se kjo ishte “një shenjë e miqësisë së tyre personale”, ciotn A2 CNN kryeministrin izraelit.
“Vendimet që morëm në luftë tashmë kanë ndryshuar fytyrën e Lindjes së Mesme. Vendimet që kemi marrë dhe guximi i ushtarëve tanë kanë riformuar hartën. Por unë besoj se duke punuar ngushtë me Presidentin Trump, ne mund ta çojmë këtë edhe më tej dhe për ta bërë atë më mirë”, tha Netanyahu.
Konfirmimi i takimit vjen disa orë pas raundit të fundit të lirimeve të pengjeve dhe të burgosurve sipas marrëveshjes së armëpushimit Izrael-Hamas.
Takimi vjen gjithashtu pasi Trump sugjeroi se plani i tij për Rripin e Gazës ishte të “pastronte” enklavën dhe të zhvendoste qindra mijëra palestinezë në vendet fqinje, një ide e refuzuar me vendosmëri nga një grup kyç i kombeve arabe.
