Kryeministri Edi Rama do të udhëtojë sot, 12 nëntor, drejt Romës për të marrë pjesë në takimin e parë G2G me Italinë (Government to Government), një mbledhje e përbashkët e dy qeverive, në funksion të thellimit të mëtejshëm të bashkëpunimit mes vendeve, përmes projekteve të përbashkëta, në fusha si ekonomia, energjia, mbrojtja apo infrastruktura.
Ditën e enjte, 13 nëntor, Kryeministri Rama do të takohet me homologen e Italisë Giorgia Meloni dhe më pas së bashku me delegacionin e ministrave të kabinetit që e shoqëron, do të marrë pjesë në seancën plenare të mbledhjes ndërqeveritare.
Në agjendën e ditës së enjte është parashikuar edhe shkëmbimi i Marrëveshjeve Dypalëshe dhe Memorandumeve të Mirëkuptimit.
Pallati Chigi informoi më herët se takimi do të zhvillohet në orën 11:30 në Villën Doria.
Në prag të kësaj mbledhjeje, qeveria shqiptare miratoi në parim një marrëveshje për bashkëpunim strategjik me qeverinë italiane, në të paktën 10 fusha, që nga shëndetësia, energjia e mjedisi deri te industria e sigurisë.
Një marrëveshje që shihet me interes nga të dyja qeveritë është ajo që parashikon ndërtimin e linjës së re nënujore mes dy brigjeve të detit Adriatik, që do të mundësojë prodhimin dhe transferimin nga vendi ynë drejt Italisë të energjisë nga burime të rinovueshme, si era dhe dielli. Me rëndësi të veçantë është edhe marrëveshja për transferimin e emigrantëve nga Italia në qendrat e ngritura në Shëngjin dhe Gjadër.
Falë bashkëpunimit mes dy qeverive, që nga 1 korriku rreth 421 mijë shqiptarëve u janë njohur kontributet shoqërore për efekt pensioni. Kjo marrëveshje ka sjellë një lehtësi të madhe për mijëra qytetarë shqiptarë, por edhe për mijëra italianë që kanë punuar në të dy vendet, të cilëve u njihet plotësisht çdo vit pune për efekt pensioni jashtë atdheut.
Për Italinë, mbledhja e 13 nëntorit do të jetë e para me një qeveri të një shteti që nuk është ende anëtare e Bashkimit Europian.
Vendimet që prekin emigrantët dhe pensionistët njerëzit që mbajnë mbi supe peshën më të rëndë të jetës shqiptare do të merren në një vend ku ata vetë nuk do të shkelin kurrë. Në sallat me pasqyra e ar të Villa Pamphili-t, do të vendoset për fatet e atyre që jetojnë me qira në periferi ose numërojnë ditët deri në pension. Ironia është therëse: politika për të varfërit bëhet
në ambiente te tilla, sikur nuk ka zyra shteti.
Dhe pastaj thonë pse mblidhen langot në Aruba. Karshillëk të fortët me vila e makina luksi, karshillëk dhe politiqenrit me të njëjtën mnyrë