Nesër në orën 07:00 të mëngjesit bulevardi qendror në Tiranë, “Dëshmorët e Kombit” pritet të mbushet me besimtarë myslimanë, aty ku do të kryhet falja e Kurban Bajramit.
Kjo është festa më e rëndësishme në kalendarin e fesë islame.
Komuniteti Mysliman i Shqipërisë bën të ditur përmes një njoftimi zyrtar, se para faljes së namazit të Kurban Bajramit do të zhvillohet një ceremoni me lexim Kur’ani, ligjërata, përshëndetje etj.
Kreu i Komunitetit Mysliman Skënder Bruçaj ka uruar të gjithë besimtarët për festën simbol të sakrificës, sinqeritetit dhe dorëzimit të plotë tek Zoti.
“Në këtë ditë festive këshillohet që të gëzojmë sa më shumë zemra, të shtrohen sofrat, të shtrëngohen duart e miqësisë, të vizitohen të afërmit, të sëmurët, si dhe të shkëmbehen dhurata.
Po ashtu, të jenë në qendër të vëmendjes fëmijët me dhurata përkëdhelje dhe të moshuarit duke qëndruar pranë tyre me përkujdesje”, thuhet në njoftimin e KMSH-së./express/a.k
