Menjëherë sapo u mor vesh lajmi i trishtë i ndarjes nga jeta të “Mjeshtrit të Madh”, këngëtarit te njohur, Tonin Tërshana, fansa të tij, komuniteti artistik, njerez te njohur të politikës, nuk kanë rreshtur së shprehuri publikisht në adresat e tyre ne rrjetet sociale, ngushëllimet për familjarët dhe publikun, për humbjen e madhe dhe dhimbjen që la pas lajmi i hidhur.
“Lamtumirë Tonin Tërshana, zë i njohur i fëmijërisë sonë”, shkruan Kryeministri Edi Rama në adresën e tij zyrtare në rrjetin social Facebook.
“Tonin Tërshana, ishe idhulli im i muzikës”. “Kemi kënduar këngët e tua”. Do mbetesh, nuk mund të ikësh” shprehet politikani i njohur, kryetari i partisë PSV-91, Petro Koçi.
“Mësova me hidhërim të thellë, ndarjen nga jeta të një prej zerave më të bukur dhe domethënës të skenës muzikore shqiptare”. Tonin Tërshana, këngëtari melodioz dhe i ngrohtë, pioner i Festivaleve dhe ndërkohe edhe mik i babait tim të ndjerë, pushofsh i qetë mjeshtër i këngës. Me respekt, Familja Deda” shkruan muzikanti i njohur Elton Deda.
“Ndërron jetë një nga zerat më të ngrohtë që ka njohur historia e muzikës shqiptare, i cili me këngët e tij i dhuroi kënaqësi brezave me rradhë, duke lënë kështu në arkivën e memories të seicilit, zërin e tij të papërsëritshëm” shprehet aktori i njohur i humorit Julian Deda.
“Pusho në paqe O Bylbyl i Shkodrës dhe i tanë Shqipnisë, RIP, Përulem me RESPEKT” shprehet mjeshtri i muzikës së lehtë, kompozitori Shpëtim Saraçi.
“NUK SHUHEN YYYJJJEEETTTT” shkruan autorja e jnohur e teksteve të këngës në Festival, poetja Zhuliana Jorgnaxhi.
“Na la edhe një artist… Tonin Tershana! “Skena atëherë dominohej nga zëri dhe ajo ishte njësia matëse” “Aq mjaftonte për të dalluar Toninin nga shumë të tjerë” është mesazhi i kantaautorit të njohur Ardit Gjebrea.
“Jeton gjithmon sa dhe ne të jetojmë”. “Një artist me përmasa sa tan Shqiptaria, një artist mbarë kombëtar Tonin Tërshana” shkruan kolegia dhe mikja e tij, këngëtarja Myfarete Laze.
“Ndërroi jetë vokali brilant, ai që me bukurinë dhe mjeshtërinë e tij vokale bëri që breza të tërë të dashuroheshin me muzikën e mirëfilltë shqiptare… “E gjithë Shkodra dhe Shqipëria krenohej me të… Iku Tonin Tërshana…Paqja e Zotit qoftë me të”, shkruan këngëtari Sidrit Bejleri.
Homazhet për artistin, do të bëhen nesër(24/09/2015) ora 10:30 në ambjentet e Radio Tirana, RTSH(Radio Televizioni Publik Shqiptar).
