Federata Automobilistike e Kosovës përmes një komunikate për media ka njoftuar se të dielën do të mbahet një garë automobilistike në Rrugën B në Prishtinë. Gara “Prishtina Auto Sllallom 2015” është e vlefshme për kampionatin e Kosovës, në të cilën do të ketë gara në drift, transmeton Koha.net. Përveç kësaj të pranishëm do të jenë edhe motoçiklistë dhe old-timera.
Federata ka njoftuar se deri më tani ka një interesim mjaft të madh, si nga ana e garuesve ashtu edhe nga publiku. Në këtë garë përveç shpërblimeve të zakonshme, për dy drifterët më të mirë, brendi i gomave Lassa do të ndajë nga një set gomash deri në 16 inç.
Rruga B do të jetë e mbyllur prej orës 10:00-1600, ndërsa prej orës 07:00, FASK-u ka kërkuar që automjetet të mos parkohen në hapësirën prej Viva Freshit deri te Meridiani.
