Nëse shqetësoheni më shumë se duhet, jeni gjeni
Studiuesit kanë hedhur hipotezën, sipas së cilës nëse disa persona shqetësohen më tepër se të tjerët, ata kanë brenda vetes tiparet e gjenive: imagjinatën dhe krijimtarinë. Nëse në jetën tuaj prireni të jeni shpesh të tensionuar dhe humori ju lëkundet, atëherë ka gjasa të jeni një gjeni në krijimtari. Një teori e re thotë se mërzia dhe imagjinata shkojnë dorë prej dore.
Kjo mund të shpjegojë përse disa mendimtarë origjinalë, si për shembull i famshmi Vincent Van Gogh vuanin për artin e tyre.
Regjisori i filmave dhe komediani Woody Allen është një tjetër person që shqetësohet shumë dhe po ashtu Isaac Newton.
Mendohet se individë të tillë kanë një tru që është më i ndjeshëm ndaj kërcënimeve të perceptuara sesa të tjerët. Dhe kjo tendencë për panik është e lidhur me një imagjinatë tepër aktive dhe gjenerim të kërcënimeve të mundshme, thonë psikologët.
Eksperti i personalitetit, doktor Adam Perkins, nga Kolegji Mbretëror në Londër, shpjegoi: “Jemi ende larg zbulimit të plotë të gjendjes së plotë dhe nuk i kemi të gjitha shpjegimet, por ne shpresojmë se teoria jonë e re do t’i ndihmojë njerëzit të kuptojnë eksperiencat e tyre dhe të zbulojnë që ndonëse nuk është shumë e kënaqshme, ka edhe përfitimet e veta.
“Shpresojmë se teoria jonë do të nxisë një kërkim që do të na ofrojë përgjigjet e duhura me anë të të cilave do të lidhim aspektin e krijimtarisë, shqetësimin dhe emocionet”.
Shqetësimi është një nga pesë tiparet dalluese sipas psikologëve. Tiparet e tjera përfshijnë të qenët i hapur, i ndërgjegjshëm, i hapur dhe të qenët dakord me të tjerët.
Të qenët tepër kërkues deri në dhimbje karakterizohet nga një listë e gjatë emocionesh negative, përfshirë ankthin, frikën, shqetësimin, tensionimin, xhelozinë dhe vetminë.
Mbështetja se kjo gjendje lidhet me krijimtarinë ka ardhur nga disa studime të skanimit të trurit që nënvizuan se qarqet nervore, të cilat i rregullojnë ato, janë të vetëgjeneruara.
Një buton paniku në amigdalë, një qendër kyçe emocionale në tru, besohet se aktivizon një përgjigje të panevojshme frike pasi kërcënimet e perceptuara kalojnë në tru.
“Personat me tik nervor kanë një imagjinatë më aktive, që vepron si një gjenerues i kërcënimit”, tha Perkins.
Aktiviteti në lëvoren mesore paraballore jo vetëm që prodhon frikë te këta persona, por gjithashtu edhe një forcë kreative, sipas kërkuesve, të cilët e shpjeguan teorinë e tyre në revistën ‘Trendet’ në Shkencën Konjitive.
Përse lidhen nervozët me krijimtarinë?
Mungesa e kënaqësisë dhe krijimtaria janë dy gjëra që shkojnë shumë bashkë, sepse janë pjesë e trurit përgjegjëse për mendimin e vetëgjeneruar që në këtë rast është shumë aktiv.
Kjo gjendje ka të mirën dhe të keqen e saj. Në aspektin pozitiv, kemi krijimtarinë ndërsa në atë negativ, mjerimin dhe vuajtjen.
Njerëzit që bëhen shumë shpejt nervozë në mendime priren të kenë imagjinatë për ndodhi negative dhe ndjenja të të gjitha llojeve. Ata mezi ia dalin të përballen me punë të rrezikshme dhe kanë më tepër gjasa të përjetojnë çrregullime psikiatrike gjatë jetës. Mendimi i tepërt i gjërave lidhet edhe me aspektet pozitive të kësaj gjendjeje.
Krijimtaria e Isaac Newton-it dhe personave të tjerë me tik nervor, mund të jetë thjesht rezultat i tendencës së tyre për t’i nuhatur problemet më parë se të tjerët.
Personalitetet tona janë më të qëndrueshme në moshë të mesme
Shkencëtarët besojnë se personalitetet tona zhvillohen deri në moshën 50-vjeçare derisa bëhen të qëndrueshme. Petar Milojev dhe Chris Sibley nga Universiteti Auckland në Zelandën e Re, zbuluan se stabiliteti i personalitetit rritet në rini, arrin pikun në moshën mesatare dhe reduktohet gradualisht kur plakemi.
Kërkuesit rekrutuan 4,000 burra dhe gra nga mosha 20 deri në 80 vjeç për të plotësuar një pyetësor dy herë gjatë dy viteve.
Studimi analizoi vlerësimet e marra gjatë disa viteve dhe kuptoi se si kishte ndryshuar personaliteti te njerëzit në varësi të moshës. Sipas zbulimeve, shumica e personaliteteve ishin të qëndrueshme, por stabiliteti i disave varej nga kalimi nga një moshë në një tjetër.
