“Nëse ka ndonjë deputet që mendohet se duhet të arrestohem, përfshirë edhe të PS, i ftoj ta bëjnë këtë”, kështu deklaroi ish-ministri i Brendshëm Saimir Tahiri, një ditë para votimit në Kuvend për kërkesën e Prokurorisë për arrestimin e tij si i përfshirë në trafik droge.
Tahiri deklaroi se është i gatshëm të hetohet deri në fund
“Unë nuk fshihem pas imunitetit apo pushtetit. Jam i gatshëm të hetohem. Nuk i kërkoj asnjë nder, kurkujt. Nëse ka ndonjë deputet që mendohet se duhet të arrestohem, përfshirë edhe të PS, i ftoj ta bëjnë këtë”, deklaroi Tahiri.
Sipas deputetit, Saimiri që përmendet në përgjimet e e italianëve, është tjetër person
“Në ato përgjime flitet për një Saimir që ka kamiona, që merret me thasë drogë. Unë nuk mund të isha edhe bosi, edhe shefi i bandës edhe hamalli. SI nuk e di prokuroria që kisha kërkuar hetim për Habilajt, për makinën time? Si nuk e dinte prokuroria që ka hetuar për mua një vit?
Politika po hedh llumin e 25 viteve mbi mua. Pse nuk moren mundimin të bëjnë një kërkim minimal për mua. Mua më intereson që kush shkel ligjin të shkojë përpara drejtësisë. Ju siguroj se cilado bandë kriminele qoftë, ngjan amatore me bandën që ka gatuar kërë histori, duke hedhur nga zyra partie e redaksi lajmësh. Ata që vranë dhe vodhën po hedhin llum mbi mua.”
javanews.al/a.ç
