Ndonëse maxhoranca kërkoi të mbyllej seanca për shkak të motit që deputetët të shkonin në terren dhe PD ra dakord me këtë gjë, çështja e kreut të KQZ-së ka sjellë sërish debat në mbyllje të seancë.
Kreu i PR-së Fatmir Mediu kërkoi që maxhoranca të tërhiqet për çështjen e kreut të KQZ-së dhe kryeministri Edi Rama ka pranuar që shkarkimi të mos futet në shqyrtim për diskutim në Kuvend.
Por Rama i ka kujtuar kreut të PD-së se nëse marrëveshja me të ka vdekur, kreu i KQZ Klement Zguri është dëshmori i parë.
“Nuk e kuptova çfarë deshe që e përmbyte prapë sallën. Ramë dakord ta mbyllim këtë seancë për arsyen që folëm. Me ndërhyrjen e Mediut bëra një propozim të arsyeshëm, as për mëshirë as për gjë tjetër po për të hapur një rrugë dialogu me ju që të kuptoni pozicionin tonë dhe ne tuajin. Pyetja e Taulantit që të ngriti përpjetë ka lidhje me marrëveshje, sepse është marrëveshja që krijoi atë konfigurim në KQZ. Nëse marrëveshja ka vdekur zoti Zguri është dëshmori i parë. Mendoj që nuk është këtu dhe sot momenti që ta bëjmë këtë debat. Ajo që un thashë kishte të bënte me mospërdorimin e shumicës për ti dhënë fund këtij debati me logjikën e shumicës. Une them ta mbyllim me kaq dhe te bejme nje diskutim. Ajo qe kerkuat ju ishte qe te mos futet ne kalendar shkarkimi i kreut te KQZ. Dhe une them qe nuk do futet ne kalendar. Per te tjerat ka te drejte Taulant Balla. Le te merremi me permbytjet reale, nuk ka nevoje per permbytje artificiale” – tha Rama.
Nderkohe, Lulzim Basha tha se asnje marreveshje politike nuk mund t’i mbivendoset ligjit.
“Nuk eshte ceshtja qe ju ta hiqni nga Kalendari, por nga programi. Megjithate kjo qe bete sot eshte e vetmja gje ligjore” – tha Basha. /b.d
