Bregu i referohet da Vinc-it dhe e ka për Ballkanin Perëndimor, një propozim që ka bërë që në vitin 2015 kur drejtonte Komisionin e Integrimit si deputete e PD, për të për të përfshirë në procesin e Berlinit edhe Parlamentet e Ballkanit Perëndimor në samitin e radhës në Poznan, si e nevojshme për të përfshirë qytetarët dhe përfaqësuesit në procesin e Berlinit.
Sot në konferencën e 16-të të Komisioneve Parlamentare për Integrimin Europian të Shteteve pjesëmarrësë në procesin e Stabilizimit dhe Asocimit të Evropës Juglindore, Bregu, në cilësinë e presidentes për shkak të kryesimit të COSAP nga Shqipëria, tha se përfshirja e parlamenteve kombëtare në këtë proces rrit e forcon më tej rolin mbikëqyrës të parlamenteve, si dhe ka potencialin të kontribuojë në forcimin e stabilitetit politik dhe përmirësimin e frymës së bashkëpunimit në rajonin e Ballkanit Perëndimor.
Fjala e Majlinda Bregu:
Në Tetor 2015, pak më shumë se 1 vit pas lancimit të Procesit të Berlinit nga kancelarja Merkel, si një iniciativë që synon forcimin e bashkëpunimit rajonal në Ballkanin Perëndimor dhe shpejtimin e integrimit të tij në BE, u zhvillua në Tiranë, takimi i njëmbëdhjetë i COSAP.
Atëherë në cilësinë e presidentes së kësaj konference për shkak të kryesimit të COSAP nga Shqipëria, kam propozuar krijimin e një dimensioni parlamentar në Procesin e Berlinit. Mbetem e bindur se përfshirja e parlamenteve kombëtare në këtë proces rrit e forcon më tej rolin mbikëqyrës të parlamenteve, si dhe ka potencialin të kontribuojë në forcimin e stabilitetit politik dhe përmirësimin e frymës së bashkëpunimit në rajonin e Ballkanit Perëndimor.
Ky propozim, i cili nuk u materializua dot në atë kohë, ndonëse kishte mbështetjen jo vetëm të parlamenteve të rajonit, por edhe të institucioneve europiane , u risoll në vëmendje në samitin e Poznan në korrik 2019, ku liderët njohën rëndësinë e përfshirjes së qytetarëve dhe përfaqësuesve të tyre në dialogun e Procesit të Berlinit.
Siç thoshte Leonardo da Vinci, “Nëse jeni vetëm, i përkasni plotësisht vetvetes. Nëse shoqëroheni edhe nga një shok, i përkisni vetëm gjysëm vetvetes.
Është jetike që rajoni ynë të bashkëpunojë më shumë e më mirë, të shkëmbejë aftësi, përvoja, ide dhe kulturë, në mënyrë që të bëhet një rajon më i pasur, më joshës për të rinjtë që të qëndrojnë e punojnë në rajon.
Mbështetja parlamentare për reformat e ndërmarra është një domosdoshmëri për të siguruar që nevojat dhe zëri i qytetarëve do të dëgjohen, cka përbën edhe vetë thelbin e këtij procesi. Për këtë qëllim 2020 duhet të jetë një moment vendimtar për përcaktimin e rolit që Parlamentet duhet të kenë në Procesin e Berlinit.
Në cilësinë e propozueses së kësaj nisme në 2015 dhe sot si Sekretare e Përgjithshme e RCC është kënaqësi e dyfishtë kontribuimi në këtë dinamikë të re përmes mbështetjes së një dialogu parlamentar që duhet të përfshijë të gjitha fushat e mundshme të marrëdhënieve politike, ekonomike, sociale, kulturore dhe të sigurisë në rajonin tonë. COSAP është forumi më i mirë për të iniciuar këtë proces e për të përcaktuar modalitetet dhe përmbajtjen e këtij dialogu.
g.kosovari
