Aktori i njohur Neritan Liçaj, i ftuar në emisionin “Dita jonë” në A2 CNN, foli gjerësisht për rolin e tij në një projekt artistik që lidhet me figurën e Enver Hoxhës, por edhe për qëndrimin e tij personal ndaj diktatorit komunist. Ai theksoi se ky rol nuk ia ka ndryshuar aspak mendimin për Hoxhën, pasi, siç tha, “nuk kam qenë kurrë i mendimit që Enver Hoxha ka qenë burrë i mirë”.
Sipas Liçajt, Hoxha nuk mund të vlerësohet për industrializimin apo “sigurinë” e kohës së tij, sepse ato ishin produkte të diktatit dhe të varësisë nga Lindja. “Jo po bëri fabrika… I bëri rusi dhe kinezi. Jo po kishte siguri… Kishte diktat, jo siguri”, u shpreh aktori.
Ai tregoi se për të ndërtuar rolin ishte marrë thellësisht me figurën e Hoxhës, duke u konsultuar me njerëz që kishin qenë pranë tij, për të kuptuar jo vetëm dimensionin politik, por edhe anën njerëzore të diktatorit. “Ai kishte krijuar një frymë, pëlqeje apo jo, ekziston ende sot hoxhizmi. Ka trushpëlarë që i shkojnë te varri”, shtoi Liçaj në “Dita jonë” në A2 CNN.
Aktori kritikoi ashpër trashëgiminë e regjimit komunist, duke e quajtur atë një periudhë që shkatërroi shoqërinë shqiptare. “Enver Hoxha i mori gjithçka popullit të vet: pasuritë, pronat, nderin, dinjitetin, fjalën, mendimin. Ai ishte i shitur te serbët, rusët dhe kinezët, tek të gjithë armiqtë historikë të kombit tonë. Pse duhej të shkonim në Lindje, kur ne jemi perëndimorë?”, u shpreh ai.
Liçaj shtoi se pasojat e ideologjisë komuniste ndihen ende sot, në ndarjet shoqërore e rajonale. “Komunizmi çau familjet, fshatrat, bashkësitë. Krijoi ndarje veri-jug që ende i vuajmë sot”, tha ai, duke e cilësuar këtë “trashëgiminë më të hidhur të ideologjisë së Marksit dhe Engelsit”. “Dy të tretat e Shqipërisë janë kodrinore e malore. Pse ai që vjen nga mali nuk ka të drejta si ai nga fusha? Kjo frymë përçmuese e mbjellë nga komunizmi duhet të marrë fund”.
Sa idiot që je o Neritan..!!! Nuk mbeti Enver Hoxha ta analizosh ti me padije absolute mbi shoqërinë dhe drejtimin e një shteti. Në atë kohë jo vetëm që nuk pati përçarje, por kishte një unitet që e kanë zili edhe vendet më zhvilluara. Dhe ku e ke parë e dëgjuar ti që malësori nuk i ka të drejtat njëlloj si kodrinori apo fushori?! Është pikërisht kjo kohë sot që bëhen këto ndasi, dhe më saktësisht i bën ai lideri yt shpirtëror dhe politik. Ai që dha urdhër që të ngriheshin dy avionë e të bombardonin jugun. Ndërsa Enveri ua çoi fshatarit dhe malësorit shërbimin deri te maja e malit ku kishte shtëpinë malësori. Dhe në fshatin më të humbur kishte qendër shëndetësore dhe shkollë, bilee kishte edhe qendra kulturore e kinema verore. Mos harro që flasim për një kohë që telekomunikacioni ishte tepër i vështirë, jo si sot që e ke celularin te bytha në xhepin e pantallova. Gjths çdokush tregon atë që ka brenda si në shpirt, ashtu edhe në kokë. Edhe ti e tregove veten që je bosh nga brenda kur mohove ndërtimin e çdo pëllëmbë fabrikë e uzinë që nuk u ndërtuan nga rusët e kinezët, por nga prindërit tanë, edhe nga të tutë.. E kundërta ndodhi, Enveri i shfrytëzoi rusët dhe kinezët. Ua morëm teknologjinë dhe mjetet dhe filluam ta ndërtojmë vetë Shqipërinë tonë