Policia ka njoftuar sot se pikat e kalimit kufitar me Greqinë do të jenë të bllokuara për të paktën dy ditë. Shkak është bërë një grevë që do të zhvillohet në Greqi.
“Duke filluar që nga dita e premte datë 20.05.2016 ora 07:00, deri ditën e dielë datë 22.05.2016 ora 07:00, dogana greke nuk do të kryejë veprime dhe nuk do të lejohet kalimi i automjeteve”, thuhet në njoftimin e policisë.
Përjashtim do të bëhet vetëm për këmbësorët, si edhe për ndonjë rast emergjent të paraqitur./a.m.
