• Kontakt
  • Kreu
  • Rreth Nesh
Monday, November 9, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Nëpërkëmbja e turpshme që na bën Gjykata Ndërkombëtare e Hagës

by Bajram Peçi
09/07/2024 17:02
Shperndaj ne FacebookShperndaj ne Twitter

Nga Bajram Peçi

Nuk ia ka bërë Jakup Krasniqit, por gjithë shqiptareve! E ka detyruar të heqi kravatën e cila na paskish qenë me shqiponjë e në ngjyrat e flamurit kombëtar të shqiptarëve. Pse e ka bërë kjo gjykatë këtë akt të shëmtuar, duhet që institucionet e shtetit shqiptar, Qeveria, Presidenca apo tjetër kush, përmes një kërkese, ankese apo proteste të kërkojë në rrugë institucionale shpjegimet e këtij qendrimi të çuditshëm, fyes për të pandehurin e poshtërim që kapëxen muret e gjykatës!

Ta detyrosh personin nën akuzë për ngjyrat e një veshjeje, në përputhje e përshtatje si me kodin e veshjes, ashtu dhe me moralin, është pothuaj njëlloj sikur ta detyrosh të hiqet zvarrë, të zvarritet para një trupe, që haptas përmes sjelljes pranon që është politike, e njëanshme, për të mos thënë që është albanofobe!
Pse shteti shqiptar dhe jo shteti i Republikës Kosovës duhet të sipërmarrë një ankimim?!
Sepse kuq e zi dhe shqiponjë e zezë në fushë të kuqe është e Republikës së Shqipërisë. Republikën e Kosovës e detyruan (qysh me projektin e paketës Ahtisaari) të mos i njohi si simbole të popullit të saj, pavarëisht se nën hijen e betimin ndaj këtij flamuri ranë mijëra në luftën për liri e mijëra të tjerë u dergjën, torturuan e u vranë burgjeve të regjimit serb, sepse kishin shpalosur kët flamur në dasma e protestat kombëtare të 1981-shit.

Një reagim të fuqishëm, po të dojë, e bën edhe Qeveria e Kosovës, çka varet më së shumti nga subjektivizmi: i don më shumë këta luftëtarë, dikur kundërshtarë politikë të saj, në burg apo në liri!?
Kulti i frikshëm i Gjykatës Hagës, me nxitjen vullnetare të marrëzisë së veshjes, vëndi ku paguhesh shumë mirë e jeton këndshëm, i ka marrë këto tipare vetëm në marrëdhënje me shqiptarët. Rreket pa reshtur prej muajsh që shteti shqiptar, që ata e dinë se është një vend ende me tradita të dobta demokratike, bëjnë presion që organet e saj gjyqësore të ekstradojnë publicistin Dritan Goxhaj, sepse një artikull të tij në mbrojtje të luftës për liri të luftëtarëve të Kosovës, e konvertojnë në “zbulim” të dëshmitarëve të Hagës! Dhe gjykatat tona vërdallosen mes mëdyshjeve, çtë bejmë?

Është e vështirë të përcaktosh se çfarë ndikimi ka kjo gjykatë multietnike nga Rusia imperialiste! Në politikën europiane tashmë shihet dhe është provuar se Rusia, përpos përkrahjes me të gjitha format, i ndihmon edhe financiarisht disa të djathta në Europë. Se me kë e me çfarë qendrimesh në Gjykaten e Hagës përfaqësohet Rusia, kërkush s’mund ta dijë!? Deri tani, pas katër vjetësh, ajo që shfaqet është se kësaj gjykate, gjithë zinxhiri drejtues i UÇK-së i duhet në burg.

Të gjithë këta drejtues që morën në sy rrezikun të rrëmbejnë armët ndaj Serbisë, që kishin filluar e po zbatonin ethshëm shfarrosjen e një race tjetër përmes genocidit, i duhen Hagës në burg, sepse të tillë i duhen Rusisë e Serbisë! Duke i mbajtur në burg, në një farë mënyre poshtëron luftën e një populli, i etiketon si terroristë; dikush tjetër nga ato katër shtete europiane që nuk e njohin, si irredentistë, pavarësisht vendimit të Gjykatës Ndërkombëtare të Drejtësisë, që me 10 vota pro dhe 4 kundër ishte e mendimit se Deklarata e Pavarësisë së Kosovës nuk e ka shkelur të drejtën ndërkombëtare.

Sipas gjykatës nga të gjitha të dhënat del se Pavarësia e Kosovës nuk ka shkelur as rezolutën 1244, si dhe as Kornizën Kushtetuese të UNMIK-ut. Në Gjykatën e Hagës, ku fliten të gjitha gjuhët, nuk e kupton dot theksin rus, as atë serb, as atë francez! Një prokuror, një gjykatës, është i aftë të luajë me peshoren, me të gjithë llojet e personazheve, madje edhe me më të pa interesuarën, ngjyrat apo siluetën e një shqiponje e cila është fyese për trupin gjykues.

Jakup Krasniqin, të cilin kam patur fatin ta takoj dy herë, në Prizren, ku na dha autografe në zarfat me pullat e Republikës së Kosovës për Shoqatën e Koleksionistëve të Shqipërisë, që unë përfaqësoja, dhe në 5 vjetorin e Gazetës “Shqip”. Ky mësues, i nderuar lexonjës, ska mbajtur kurrë armë në duar, në supe apo në banesë. Ai bashkimin deri në vetflijim me UÇk-në për çështjen kombëtare e ka patur përmes penës dhe Gjykata e Hagës edhe pas 20 vjetësh nuk ka shans të provojë se ai ka vrarë kënd apo ka urdhëruar të vritet kush!

Ai mbahet në burg veçse ishte një frymëzues i popullit që përket në luftën për shkëputjen nga prangat e kolonializmit serb.

Rasti e solli që sot shqiponjën fyese ndaj trupit gjykues ta kishte në kravatë. Larg qoftë ta kishte tatuazh!? Po ta kishte,… meqënëse një gjykatë europiane ka kohë që e ka hequr djegjen në turrën e druve, pse jo, mund të urdhërohej një heqje e tatuazhit me operacionin e lëkurës, ngjashëm siç lëkurkuqtë e shkrimtarit J. Fenimor Kooper u hiqnin të mundurve skalpin.

Thonë se pas ngjarjes ankesat janë të kota, por popullit i duhet t’i jepet të kuptojë ose dobësinë e tij, ose të lihet kushdo të shpërthejë urrejtjen ndaj simboleve tona kombëtare, ngjashëm si ndodh me tifozat e Serbisë!

Next Post
Frenohet rritja e çmimeve në Shqipëri, ekspertja analizon faktorët

Frenohet rritja e çmimeve në Shqipëri, ekspertja analizon faktorët

Leave a Reply Cancel reply

Your email address will not be published. Required fields are marked *

TË FUNDIT

VIDEO / “Maska nuk të fsheh nga ligji!”, Demo: Forca e shtetit duhet të ndihet nga ata që shkelin ligjin

VIDEO / “Maska nuk të fsheh nga ligji!”, Demo: Forca e shtetit duhet të ndihet nga ata që shkelin ligjin

November 9, 2026
Tragjedi në brigjet e Senegalit, mbytet varka me emigrantë: Të paktën 34 të vdekur

Tragjedi në brigjet e Senegalit, mbytet varka me emigrantë: Të paktën 34 të vdekur

November 9, 2026
Arrestohet në Shqipëri “mbreti i heroinës”, trafikoi 703 kg drogë nga Irani në Europë

Kapet me dy paketime kanabisi në valixhe, arrestohet 51-vjeçari grek në Rinas

November 9, 2026
VIDEO/ Kasafortë që hapet përmes fytyrës, prokurorët zbulojnë “thesarin” në vilën e ish-presidentit të Paraguajit

VIDEO/ Kasafortë që hapet përmes fytyrës, prokurorët zbulojnë “thesarin” në vilën e ish-presidentit të Paraguajit

November 9, 2026
“Rrjetet e huaja shfrytëzojnë trazirat në Francë”

“Rrjetet e huaja shfrytëzojnë trazirat në Francë”

November 9, 2026
Politika kërkon b*le, jo britma

Çfarë duhet të dinë Rama dhe Berisha

November 9, 2026
Ish-këshilltari i Trump: Pa fundin e luftës dhe dëbimet masive, republikanët rrezikojnë humbjen edhe në 2028-n

Ish-këshilltari i Trump: Pa fundin e luftës dhe dëbimet masive, republikanët rrezikojnë humbjen edhe në 2028-n

November 9, 2026
Lidhja jashtëmartesore me “spiunen” kineze, thyen heshtjen shefi i Nvidia-s!

Lidhja jashtëmartesore me “spiunen” kineze, thyen heshtjen shefi i Nvidia-s!

November 9, 2026
Vrasja e Vajdin Lames dhe Klodian Saliut, SPAK kërkon 175 vite burg për grupin e Shullazit

Vrasja e Vajdin Lames dhe Klodian Saliut, SPAK kërkon 175 vite burg për grupin e Shullazit

November 9, 2026
pellumb karameta

Sali, me sharje dhe mallkime nuk vjen në pushtet

November 9, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In