Në një reagim të dytë për publikun, Policia e Tiranës konfirmon se 9 persona janë plagosur në aksidentin e sotëm në kryqytet.
Blutë shtojnë se drejtuesi i autobusit të Unazës i cili ndodhet në spital, nuk ka qenë nën efektin e alkooli.
Ndërkohëm grupi hetimor po eksperimenton sesi mund të ketë ndodhur aksidenti masiv pranë ‘Tajvanit’ në Tiranës.
Prej disa orësh ka vijuar gjithashtu puna për lëvizjen e mjeteve të aksidentuara dhe lirimin e aksit të unazës.
Njoftimi i plotë:
Në vijim të informacionit paraprak të dhënë pak minuta më parë, ku rreth orës 11:35, në vendin e quajtur “Ura e Tajvanit”, një autobus i linjës së Unazës është përplasur me disa automjete, ju sqarojmë se:
Si pasojë janë dëmtuar shtetasit: A. Xh., 63 vjeç, (drejtuesi i autobusit), M. S., 35 vjeçe; G. P., 27 vjeç dhe V. P., 27 vjeç; O. G., 52 vjeç dhe J. C., 31 vjeçe, D. N., 27 vjeç, K. A., dhe E. H., të cilët ndodhen nën kujdesin e mjekëve.
Pas testit të alkoolit, drejtuesi i autobusit nuk ka rezultuar nën efektin e pijeve alkoolike. Në vendngjarje ndodhen shërbimet e ambulancës dhe shërbimet e Policisë. Grupi hetimor po punon për zbardhjen e rrethanave të aksidentit.
/a.r
