Ekziston një legjendë e përhapur në Indi e një organizate sekrete që pretendohet se ka një sasi të madhe të njohurive të avancuara.
Besohet se kjo organizatë sekrete është formuar 2000 vjet më parë. Nëntë burrat e panjohur janë gjerësisht të dyshuar për manipulimin e tendencave politike dhe shoqërore me qëllim të avancimit të qëllimeve personale të këtyre burrave.
Por a është një organizatë e tillë sekrete një realitet apo është thjesht një legjendë?
Shoqëria e nëntë burrave të panjohur u formua menjëherë pas vitit 226 para erës sonë nga perandori Ashoka, raporton “Locklip”.
Nipi i perandorit legjendar i cili unifikonte nënkontinentin indian, Chandragupta, Ashoka ishte në ankth për të mbajtur trashëgiminë e gjyshit të tij dhe për të ruajtur perandorinë.
Në rajonin midis Kalkutës dhe Madrasit, Kalingani i rezistoi sundimit imperial, duke çuar në një luftë të gjithanshme. Forcat jashtëzakonisht superiore të Ashokas thuhet se kanë vrarë mbi 100,000 luftëtarë të Kalingës dhe kanë dëbuar mbi 150,000 fshatarë të rajonit.
Edhe pse ai e kishte fituar luftën, Ashoka kishte fituar një urrejtje pavarësisht fitores së tij përmes një masakre të hatashme.
Perandori Ashoka është i njohur për kthimin e tij në budizëm dhe përpjekjet e tij për të përhapur fenë paqësore në të gjithë Indinë, si në Malaja, Ceiloni dhe në Indonezi.
Përpjekjet e tij kontribuuan në rritjen e mëvonshme të Budizmit në Kinë, Nepali, Tibet dhe Mongoli. Ashoka ishte një vegjetarian i betuar, por nuk detyronte të tjerët të bënin po kështu. Në të vërtetë, ai ishte tepër tolerant ndaj sekteve të tjera fetare.
Ai, megjithatë, ndalonte konsumimin e alkoolit.
“Ai hoqi dorë nga ideja e përpjekjes për të integruar popullin rebel, duke deklaruar se i vetmi pushtim i vërtetë ishte të fitonte zemrat e njerëzve duke respektuar ligjet e detyrës dhe devotshmërisë, sepse Madhëria e Shenjtë dëshironte që të gjitha krijesat e gjalla të gëzonin siguri, paqe, lumturi dhe të jenë të lirë të jetojnë ashtu siç janë të kënaqur”, shkruajnë Pauwels dhe Bergier.
Ashoka thirri nëntë nga mendjet më të ndritura në Indi në atë kohë. Për qëllime sigurie, identiteti i këtyre burrave nuk u bë kurrë publik.
Së bashku, këta burra formuan një shoqëri sekrete që u bënë të njohur si nëntë burrat e panjohur.
Organizata krijoi akumulimin e të gjitha njohurive shkencore, nga shkenca natyrore në psikologji deri te përbërja e materies.
Për të kryer më mirë këtë detyrë të frikshme, secili nga nëntë burrat ishte i ngarkuar me një libër të veçantë që ai duhej të azhurnonte, rishikonte dhe përfundimisht të përsoste njohuritë në të.
Kur një nga nëntë nuk mund ta përfundojë detyrën – qoftë nga dëshira për të dalë në pension, apo si mungesë e shëndetit – detyrimi i kalonte një pasardhësit të zgjedhur.
Numri i anëtarëve në shoqëri ka qenë gjithmonë nëntë.
Kështu shoqëria e Nëntë Burrave të Panjohur ka gjasa të jetojë për më shumë se 2000 vjet.
Talbot Mundy, një shkrimtar anglez, botoi një libër të titulluar “The Nine Unknown Men” në vitin 1923, i cili përmbante një listë të nëntë librave.
Kjo listë ka ardhur përgjithësisht e pranuar: 1. Propaganda, 2. Fiziologjia, 3. Mikrobiologjia, 4. Alkimia, 5. Komunikimi, 6. Forca e gravitetit, 7. Kozmogonia, 8. Drita, 9. Sociologjia
Fakt apo Mit?
A ishin Nëntë Burrat e Panjohur të Vërtetë?
Ashoka shumë mirë mund të ketë kërkuar nëntë burra me identitet të panjohur për të mbledhur njohuri shkencore, veçanërisht në lidhje me aplikimin e saj për luftë. Kjo ishte një kohë shumë e rrënuar dhe perandorët tjerë kanë qenë të njohur për të porositur nisma të ngjashme.
Këta njerëz mund të kenë hulumtuar taktikat dhe stërvitjet e ndryshme të perandorive të ndryshme, prodhimin e armëve, trajtimin e kalit/elefantit dhe ndoshta edhe përdorimin e barutit.
