Plagoset me thikë djali i prezantueses së njohur italiane Simona Ventura.
Policia arrestoi katër persona nën akuzë për tentativë vrasje, ndaj Niccolo Bettarini, djalit të prezantueses.
Të arrestuarit janë dy shqiptarë të moshës 23 dhe 29-vjeçare, dhe dy italianë me moshë 24 dhe 29 vjeç.
Ata akuzohen për plagosjen e 19-vjeçarit para një lokali, në orët e para të së dielës, 1 korrik.
Nga hetimet e kryera rezulton se që të katër të arrestuarit janë me precedentë penal.
Niccolo Bettarini u plagos me nëntë goditje thike rreth orës 05.00 të mëngjesit të kësaj të diele. Ai ndodhej në një diskotekë në Milano, kur ndërhyri për të shuar një sherr ku ishte përfshirë një shoku i tij, deri sa mbeti i plagosur vetë.
I riu u transportua me urgjencë në spital ku ju nënshtrua një operacioni.
Sakaq prezantuesja Simona Ventura, bëri me dije se pavarësisht nëntë goditjeve me thikë, i biri është jashtë rrezikut për jetën.
/a.m.
