Nënshkruhet Memorandumi i Mirëkuptimit mes Albgaz, Excelerate Energy L.P dhe Snam S.p.A për ndërtimin e një gazsjellësi nga Terminali i Vlorës në drejtim të infrastrukturave të tjera të mundshme të gazit natyror në Shqipëri.
Ministrja e Infrastrukturës, Belinda Balluku u shpreh se Shqipëria nuk synon të jetë një super fuqi eksportues e gazit, por në fillim do të plotësoj nevojat e tregut vendas e më pas për ta eksportuar në tregun jashtë.
“I nevojshëm krijimi i një burimi alternativ për suportin e turizmit, industrisë dhe bujqësisë, një burim alternativ sic është gazi, me një master plan që jep në mënyrë të detajuar të gjitha hapat për të ardhmen, TAP një nga projektet më të mëdha sa i përket fushës së gazifikimit kalon në Shqipëri dhe ky është një fat i madh për vendin, u kthye në shembull për projektet që do të bëhen në të ardhmen, nëse TAP nuk do kishte kaluar në Shqipëri nuk do kishim sot kompaninë tonë kombëtare të gazit, ne duam të plotësojmë kërkesat e vendit fillimisht, pastaj fuqi eksportuese”, u shpreh Balluku.
Ndersa presidenti dhe Shefi Ekzekutiv i Excelerate Steven Kobos deklaroi: “Duke përfituar nga kapacitetet tona të operimit doënstream dhe njëkohësisht duke bashkëpunuar me Shqipërinë për të eksploruar aksesin e vendit në energji të qëndrueshme, ne kemi mundësinë të ndërmarrin një hap të rëndësishëm/(kritik) drejt sigurisë energjetike të vëndit. Së bashku me Snam dhe Albgaz, ne njohim impaktin potencial që ky gazsjellës mund të ketë për rajonin”.
Si një lider në teknologjitë e impianteve pluskuese të GNL-së, Excelerate ka siguruar energji të qëndrueshme dhe të pastër për tregjet mbarëbotërorë, duke zhvilluar dhe operuar 13 terminale GNL në botë. Ky Memorandum është shembulli i fundit i dedikimit të Excelerate për një integrim më të madh të shërbimeve të gazit dhe energjisë për konsumatorët.
Snam është një nga pronarët dhe operatorët më të mëdhenj të infrastrukturës energjetike në botë dhe një aksioner kryesor në Gazsjellësin Trans Adriatik (TAP).
Kompania e Shërbimit të Gazit Shqiptar (Albanian Gas Services), si një ndërmarrje e përbashkët e Snam dhe Albgaz, e cila mirëmban rrjetin e transmetimit të gazit në Shqipëri, mund të operojë dhe mirëmbajë tubacionin e ardhshëm.
“Ky Memorandum Mirëkuptimi forcon më tej angazhimin tonë me Shqipërinë të iniciuar katër vjet më parë,” tha Mario Franchin, Zëvendës-President i “Global Solutions Commercial” në Snam. “Shënon një hap tjetër të rëndësishëm përpara në zhvillimin e strategjisë energjetike të Shqipërisë dhe Snam është i kënaqur të ndajë përvojën dhe ekspertizën e saj dhe të mbështesë vendin dhe Albgaz në rrugën e tij në tranzicionin e energjisë.”
Administratori i Albgaz, Arber Avrami nënvizoi se “Kjo është një mundësi unike për Shqipërinë, për të bashkëpunuar me aktorë të mëdhenj që mund të ofrojnë njohuri dhe përvojë thelbësore në mënyrë që të japin përfitime jo vetëm nga aktivitetet e transmetimit të gazit, por edhe për të shfrytëzuar një aset të rëndësishëm natyror siç është depozitimi nëntokësor i gazit në Dumre. Kjo mund të ofrojë mundësi sigurie të energjisë jo vetëm për Shqipërinë, por edhe furnizim të besueshëm të energjisë për rrjetin ndërkombëtar të gazit natyror”.
Memorandumi i Mirëkuptimit u nënshkrua në Tiranë nga përfaqësues nga secili entitet: Arber Avrami, Administrator Albgaz; Oliver Simpson, Zëvendës President i Tregtisë, Excelerate; dhe Mario Franchin, Zëvendës President i “Global Solutions Commercial”, Snam.
Planifikimi pritet të fillojë menjëherë me përfaqësues nga secila kompani që formojnë një ekip koordinues.
Në fillim të këtij viti, Excelerate, së bashku me ExxonMobil dhe Ministria e Infrastrukturës dhe Energjisë nënshkruan një Memorandumi i Mirëkuptimit për të kryer një studim të fizibilitetit për zhvillimin e mundshëm të një Terminali të importit të GNL në Portin e Vlorës në Shqipërinë e Jugut./m.j
