Rama më në fund merr përgjigje nga maqedonët, pas deklaratave të tij se qeveria shqiptare do të shikojë pozicionin e saj për anëtarrësimin e Maqedonisë. Ish shefi i diplomacisë maqedonase dhe nënkryetari i Parlamentit të Maqedonisë nga radhët e VMRO-DPMNE-së Antonio Milloshoski përmes një statusi të tij në Facebook ka shprehur nervozizmin dhe urrejtjen e pakontrolluar ndaj kryeministrit të Shqipërisë, Edi Rama
Politika nacionaliste e Milloshoskit duket qartë edhe në këtë status të tij, që në mënyrë indirekte përfaqëson edhe qëndrimin e shefit të tij kryeministrit Nikolla Gruevski.
“Kryeministri Edi Rama nuk mund të jetë lider me vision për rajonin por vetëm një politikan i mesëm i cili shet populizëm patriotik për përdorim të brendshëm me të cilët i dëmton të gjitha përcaktimet evro-atlantike të qytetarëve të Republikës së Maqedonisë, duke i përfshirë edhe shqiptarët në Maqedoni me çka dëshiron të imponohet si ‘padron suprem’”.
