Një grua e cila kishte lindur pa krahë dhe këmbë ka inspiruar shumë njerëz nëpër botë, me jetën e saj aktive si nënë. Pauline Victoria Aughe, 36 vjeçe nga Havai, u lind pa këmbë dhe pa krahë. Ajo që nga atëherë ka përdorur gjymtyrë protezë dhe karrocë invalidësh.
Pavarësisht gjendjes së saj shëndetësore, ajo ia del që të jetë një nënë e shkëlqyer, duke bërë video për të treguar se si han ushqim, si vendosë grim dhe si vozitë, transmeton Gazeta Express.
Ajo ka një fëmijë, Aronin 10 vjeç, të cilin e dërgon në shkollë çdo ditë. Ajo tani po i publikon videot inspiruese në YouTube, për të treguar se asgjë nuk është e pamundur.
Edhe pse në këtë gjendje, burri i saj Ted u dashurua në të dhe u martua më 2012. Ajo e përshkruan veten si një nënë të zakonshme.
