Në vijim të hetimit pas arrestimit të mësuesit 64-vjeçar, me akuzën e veprimeve të turpshme me nxënësen e tij 14-vjeçare, është pyetur në polici edhe nëna e vajzës.
Në dëshminë e saj, nëna ka treguar se ishte në dijeni të ngjarjes që i tronditi familjen prej një jave.
“Unë isha në dijeni prej një jave të kësaj ngjarje, por dje dorëzova provat në polici. Nga mësues të tjerë nuk ka pasur shqetësim. Për këtë rast jam befasuar kur e pashë me sytë e mi”- ka thënë ajo, raporton “News 24”.
Ajo thekson më tej se nuk duhet vetëm pezullimi, por mësuesi të dënohet. “Për këtë mësues kam pasur respekt se ishte autoritar, por tani..”- thotë ajo./a.m.
