Nën masa të rrepta sigurie, kanë mbërritur në KZAZ nr 90 Delvinë materialet zgjedhore. Gjithashtu janë shoqëruar edhe nga mjetet e ushtrisë dhe forcat e policisë.
KZAZ nr. 90, Bashkia e Delvinë ka 22 Qendra Votimi. 12 në qytet dhe 10 në rrethinat e bashkisë.
Pas mbërritjes së materialeve zgjedhore, policia do të qëndrojë në gatishmëri të plotë për ruajtjen e tyre në oraret e përcaktuara nga autoritetet deri në momentin e shpërndarjes në qendrat e votimit.
Ditën e shtunë, sipas ligjit, do nisë shpërndarja e materialeve zgjedhore. KZAZ 90, Delvinë ka tashmë të ngritur edhe komisionin të përbërë nga Kryetari i PS dhe 7 anëtarë dhe 1 sekretar.
Gjithashtu mësohet se edhe në KZAZ nr 91 Sarandë materialet zgjedhore, kanë mbërritur nën masa të rrepta sigurie, shoqëruar nga mjetet e ushtrisë dhe forcat e policisë.
KZAZ nr. 91, Bashkia e Sarandë ka 53 Qendra Votimi. 35 në qytet, 8 në Nj.A Ksamil dhe 10 në rrethinat e bashkisë.
Ditën e shtunë, sipas ligjit, do nisë shpërndarja e materialeve zgjedhore. KZAZ 91 Sarandë ka tashmë të ngritur edhe komisionin të përbërë nga Kryetari i PD, 7 anëtarë dhe sekretari.
Po ashtu kanë mbërritur për dy KZAZ-et e Lezhës materialet zgjedhore në një proces që duket se gjithçka po shkon mirë dhe vijon normalisht.
Kryetari i KZAZ 13 në bashkinë e Lezhës, Keler Sufja, u shpreh se ka patur një bashkëpunim me partitë politike dhe kandidatët për të patur një proces të rregullt.
