Maria Mesi, e dashura e bosit të mafies siciliane është vënë nën hetim. Ajo dyshohet se kishte informacion për kumbarin që kishte 30 vite në arrati dhe bashkë me vëllain e ndihmuan të fshihej, ndaj është kontrolluar apartamenti ku jetonin. Në qershor të vitit 2000 u u arrestua pasi hetuesit ishin të sigurt se kishte takuar Matteo Mesina Denaron në një apartament në Aspra, në zonën e Palermos.
Aty janë gjetur gjurmët e bosit të mafias: një lojë Nintendo, një shall Hermes. Shtëpia u monitorua për një muaj, por dikush e paralajmëroi bosin e mafias në kërkim dhe nuk shkoi më atje.
Kur u arrestua, Mesi u dënua në shkallë të parë dhe të dytë për ndihmë ndaj mafies. Gjykata e Lartë e anuloi pjesërisht vendimin, me arsyetimin se marrëdhënia sentimentale që e lidhte me Messina Denaron ishte e papajtueshme me lehtësimin e shoqatës mafioze.
Hetuesit gjetën disa letra që dy të dashuruarit kishin shkëmbyer.
“Dua të të dhuroj shumë puthje, më mungon shumë… Do të kisha dashur të të njihja që e vogël dhe të rritesha me ty. Do të doja të isha gjithmonë me ty, kam menduar shumë pse nuk do që të jetoj me ty dhe mendoj se më në fund e kuptova. Pra, nëse unë mendoj se kështu ju kuptoj, por nuk jam dakord me ju. Por duke qenë se ju respektoj shumë, unë respektoj zgjedhjet tuaja në përputhje me rrethanat. Unë të dua dhe do të të dua për jetën. E jotja përgjithmonë Mari. Ps: Më shkruaj së shpejti”, i shkruante gruaja.
Mesi dhe vëllai i saj Francesco, punonte në Sud Pesca, një kompani në pronësi të Carlo Guttadauro, kunati i Messina Denaro.
Ndërkohë në pamjet e publikuara së fundmi, Messina Denaro shihet duke vozitur nëpër rrugët e Campobello di Mazara dy ditë para arrestimit të tij. I filmuar nga disa kamera CCTV, ai mund të shihet në makinën Alfa Giulietta-s të zezë , të sekuestruar më vonë nga hetuesit. Siç është kuptuar tashmë, bosi i mafies lëvizte kudo pothuajse i pashqetësuar se kërkohej nga policia.
/e.d
