Prokuroria e Përgjithshme kërkoi dhënien e një dënimi prej 1 milionësh lek gjobë ëpr deputetin dmeokrat Astrit Veliaj, i akuzuar për prishje të pronës publike.
Kolegji Penal i Gjykatës së Lartë do të marrë vendim për deputetin më 20 nëntor, ndërsa i pranishëm në sallë Veliaj kërkoi pafajësi duke e quajtur të pabazuar pretencën e prokurorit Altin Binaj.
Deputeti Veliaj akuzohet se ka prishur një godinën e ish-drejtorisë së Policisë së Fierit për të ndërtuar universitetin në pronësinë e tij. Vetë deputeti i djathtë thotë se kjo ndërtesë është hequr prej vitesh nga lista e pronave shtetërore e Ministrisë së Brendshme.
Veliaj u mor si i pandehur 8 muaj më parë, fillimisht me akuzën e ndërtimit të paligjshëm dhe prishjes së pronës publike, por pas amnistisë për ndërtimet pa leje, prokuroria mbeti përballë Gjykatës vetëm me një akuzë, atë të shkatërrimit të pronës.
Ndërkohë procedura e shembjes së godinave me vlerë 104 milion lekë të vjetra, që kanë qenë pronë e ministrisë së Brendshme dhe tjetërsimi i truallit ka ndodhur gjatë periudhës kur ministër i Brendshëm ishte Flamur Noka.
