Kryeministri Edi Rama ka zhvilluar një takim sot me Presidentin e Republikës, Ilir Meta. Takimi i dy zyrtarëve është zhvilluar në ambientet e Presidencës. Mësohet se ky takim zhvillohet në lidhje me negociatat për detin me Greqinë. Pas takimit kreu i qeverise eshte pare i qeshur, por eshte e paqarte nese buzqeshja e tij kishte lidhje me arritjen e nje rezultati konkret me Presidentin, apo ishte thjeshte nje gjest miresjellje per mediat.
Ministri i Punëve të Jashtme, Ditmir Bushati i ka dorëzuar kërkesën për marrjen e autorizimit për plotfuqishmërinë Presidentit Meta. Ky i fundit zhvilloi disa takime për konsulta me ish-Presidentët, Rexhep Meidani, Bamir Topi, Alfred Moisiu, Bujar Nishani e Sali Berisha.
Presidenti Meta ende nuk i ka dhënë autorizimin ministrit të Punëve të Jashtme, Ditmir Bushati, në mënyrë që ky i fundit të lëshojë plotfuqishmërinë dhe nisjen e negociatave me fqinjin jugor. Meta ka kthyer dy herë kërkesën e ministrisë së Jashtme pasi ka kërkuar me shumë sqarime dhe informacion shtesë.
