Partia opozitare përshëndet rekomandimin pozitiv ndaj Shqipërisë
Kryetari i partisë Bindja Demokratike, Astrit Patozi ka përshëndetur rekomandimin e sotëm të Komisionit Europian për hapjen e negociatave.
Me anë të një statusi në rrjetin social “Facebook”, Patosi shkruan se është një vendim i rëndësishëm në procesin e integrimit europian të vendit, që është një përcaktim i qartë dhe i vendosur për aspiratën e shumicës dërrmuese të shqiptarëve./l.m
Postimi i plotë
BINDJA DEMOKRATIKE PËRSHËNDET REKOMANDIMIN E KOMISIONIT EUROPIAN PËR SHQIPËRINË
BINDJA DEMOKRATIKE e konsideron si një lajm të mirë për Shqipërinë rekomandimin e sotëm të Komisionit Europian për hapjen e negociatave.
Ne e vlerësojmë atë si një stacion të rëndësishëm në procesin e integrimit europian të vendit, që është një përcaktim i qartë dhe i vendosur për aspiratën e shumicës dërrmuese të shqiptarëve.
BINDJA DEMOKRATIKE falenderon Komisionin Europian për rekomandimin, duke besuar fort se kjo është në radhë të parë një fitore për Shqipërinë, e cila nuk ka pasur asnjë mëdyshje për rrugëtimin e vet drejt Brukselit.
Në këtë kontekt, çdo përpjekje e qeverisë për ta privatizuar këtë arritje dhe për ta shitur atë si sukses vetëm të vetin, veçse do ta minonte dhe do ta prishte atmosferën e kësaj ngjarjeje të rëndësishme për Shqipërinë.
BINDJA DEMOKRATIKE fton të gjitha forcat politike të vendit që ta lexojnë siç duhet dhe të nxjerrin detyrat dhe përgjegjësitë e veta në drejtim të përshpejtimit të hapave, që e afrojnë dhe e çojnë Shqipërinë më tej drejt Bashkimit Europian.
