Ish-ministri i Mbrojtjes, Arben Imami, ishte në studion e emisionit ‘Java në RTSH’ këtë të premte, nga ku komentoi procesin e negociatave, opozitën e sotme si dhe qeverisjen.
Në panelin me analistët Preç Zogaj dhe Lorenc vangjeli, Imami tha se “Jo”-ja nuk erdhi vetëm nga një vend si Franca, por nga tre vende që janë edhe themeluese të Bashkimi Evropian.
“Para dy muajsh patëm informacione që presioni amerikan dhe ndryshimi i mendjes nga ana e Gjermanisë do ta bënte këtë proces të mundur. Tre vendet që na kanë refuzuar janë tre vende themeluese të BE-së.
Ne duhet të hyjmë në Evropë në qoftë se jemi për të hyrë në Evropë. BE është një ndërmarrje e madhe politike e nisur nga interesat e sigurisë për të zgjidhur problemin e vjetër të Francës e Gjermanisë për të mbledhur Evropën përkundrejt rrezikut sovjetik.
Nëse Shqipëria do të pranohet, ajo do të pranohet për interesa strategjike të të gjithë kontinentit, Përveç këtyre interesave duhet që fijet e interesave të BE e Shqipërisë të bashkohen” – tha Arben Imami në studion e emisionit “Java në RTSH”.
Ish-ministri shtoi se presioni amerikan ka qenë i madh këto kohë sa i përket integrimit të Shqipërisë në Bashkimin Evropian.
“Pati një kohë mungese të interesimit të SHBA në Ballkanin Perëndimor. Nga pikëpamja e SHBA kanë qenë në interes që Shqipëria të hyjë. Këtu filloi kthesa e Gjermanisë, ka pasur shumë kritika. Para një viti ishin marrëdhënie të tensionuara., Por nisur nga këto kërkesa të rëndësishme rajone të kontinentit edhe Gjermani r a dakord me ato kushtet që vendosi. Me këtë platformë të sigurisë për shkak të së cilës mund të kishim të hyrë, dështoi pasi tre vendet që janë kocka e BE-së, kanë një vlerësim të caktuar. Ky vlerësim i caktuar është thelbi që nuk na lejoi të na fusë në Evropë. Kjo është qeverisja më e zezë që ka parë ndonjëherë Shqipëria , duke përjashtuar diktaurën” – tha Arben Imami në studion e emisionit “Java në RTSH”.
