Ministri i Europës dhe Punëve Jashtme, Ditmir Bushati, organizoi sot një takim konsultues në për ngritjen e strukturës për zhvillimin e negociatave me BE.
Ministri deklaroi se ka nisur procesi screening, por nuk kurseu kritikat ndaj Bashkive
“Jam i zhgenjyer nga angazhimi i bashkive“, tha ministri, teksa kërkoibashkëpunimin e të gjitha institucioneve qendrore dhe lokale për integrimin në BE
“Platforma për integrimin në BE do të kërkojë bashkëpunimin e të gjitha institucioneve qendrore dhe lokale. Ekipi negociator do të përbëhet nga 7 anëtare. Ekipi negociator do të jetë bërthama e ndërveprimit me BE. Kemi analizuar rastin e Kroacisë, Malit të Zi dhe Serbisë. Do fokusohemi shumë tek eksperienca kroate. Ky nuk është proces vetëm për administratën. Jemi zhgënjyer nga reagimi i kryebashkiakëve dje, pasi bashkitë duhet të luajnë rol aktiv, pasi janë ato që do të japin shërbime për qytetarët. Kemi nisur punën përgatitore për procesin screening, por jam i zhgënjyer nga angazhimi i bashkive në këtë proces”, deklaroi Bushati
Procesi ‘screening’ është një analizë e hollësishme e kuadrit ligjor shqiptar në tërësi dhe ecurisë së përafrimit të legjislacionit, si një ndër hapat që vendi po hedh për hapjen e negociatave vitin për anëtarësim në Bashkimin Evropian.
Javanews/a.çupaj
