Ministri i jashtëm, Ditmir Bushati ka deklaruar se pas vendimit të BE për çeljen e negociatave, sfida e qeverisë është thellimi i mëtejshëm i reformave
Gjatë një takimi me ambasadoren e BE Vlahutin dhe eurodeputetin Fleckenstein, mbi pritshmëritë dhe detyrat e Shqipërisë pas konkluzioneve të BE për hapjen e negociatave vitin e ardhshëm, Bushati deklaroi se në korrik nis puna analitike për kapitujt e parë.
“Kemi nevojë për të thelluar reforma. Çdo lloj vendimi i BE do të ishte me hapa të ndërmjetëm, siç e ka pasur edhe Mali i Zi dhe Serbia. Në korrik nis puna analitike për kapitujt që kanë lidhje me lirinë, drejtësinë dhe të drejtat e njeriut. Një vit punë do jetë mjaftueshëm për të mbyllur punën përgatitore”, tha Bushati
Bushati foli edhe për reformën në drejtësi
“Nuk ka qenë kusht nga BE ngritja e SPAK dhe e Byrosë së hetimit, por kanë qenë orientim i qeverisë tonë. Shqipëria zgjodhi vetë të ketë ndërkombëtarë në procesin e vettingut. Tani energjitë tona duhet të thellohen me tëj. Procesi i zbatimit të reformës në drejtësi nuk ndalet”, deklaroi Bushati
Bushati foli edhe për reformën zgjedhore
“Kemi vullnet si maxhorancë për reformën zgjedhore dhe nuk duhet humbur kohë për të adresuar rekomandimet e OSBE-ODIHR”
Javanews/a.ç
