Koreja e veriut do të paguajë çmim nëse furnizon Rusinë me armë, për luftën në Ukrainë. Shtetet e Bashkuara bënë një paralajmërim të qartë për shtetin komunist, mes raportimeve se negociatat për armët mes Moskës dhe Penianit po përparojnë në mënyra aktive dhe se Kim Jong Un të takohet me Putinin në shtator.
“Furnizimi me armë i Rusisë për përdorimin në fushëbetejë për të sulmuar depot e drithërave dhe infrastrukturën në qytetet e mëdha të një shteti sovran, teksa i drejtohemi dimrit nuk do të reflektojë mirë për Korenë e Veriut. Vendi do të paguajë një çmim për këtë në komunitetin ndërkombëtar. Ne kemi vendosur gjithashtu sanksione të posaçme, në mënyrë që të pengojmë përpjekjet për shfrytëzimin e Koresë së Veriut si burim armësh për Rusinë”, tha Jake Sullivan, këshilltar për sigurinë kombëtare.
Kremlini pohoi më herët gjatë së martës se “nuk kishte diçka për të thënë” për deklaratat e zyrtarëve amerikanë se Kim Jon Un planifikonte të udhëtonte drejt Rusisë këtë muaj për t’u takuar me Presidentin Putin dhe për të diskutuar për furnizimet me armë për Moskën.
Sullivan deklaroi se lideri koreano-verior prej që diskutimet për armët të vazhdojnë, përfshirë në nivel udhëheqësish, ndoshta edhe në person. “Kemi vazhduar të tkurrim bazën e industrisë ruse të mbrojtjes dhe Moska tashmë po kërkon në të gjitha burimet që mund të gjejë për eksporte produktesh si municionet. Do të vazhdojmë t’i bëjmë thirrje Koresë së Veriut t’i përmbahet angazhimeve të saj publike për të mos furnizuar Rusinë me armë që do të përfundojnë duke u përdorur për të vrarë ukrainasit”, tha Sullivan.
Ndërsa izolimi i Rusisë sa vjen duke u zgjeruar, për shkak të luftës në Ukrainë, Moska po shenjë vlerë në rritje te Koreja e Veriut. Nga ana e Koresë së Veriut, marrëdhëniet me Rusinë nuk ka qenë gjithnjë kaq të ngrohta, por tashmë vendi po përfiton nga nevoja e qartë e Moskës për aleatë.
/a.r
