Deputetë të Parlamentit të Kosovës, përfaqësues të Organizatave joqeveritare dhe qytetarë të shumtë prizrenas, të premten në mbrëmje, marshuan nga Xhamia e Sinan Pashës, deri te ndërtesa e Konsullatës së përgjithshme të Turqisë në Prizren, në marshin “Solidarizim me Demokracinë” në njëvjetorin e puçit të dështuar në Turqi.
Para marshit “Solidarizim me Demokracinë” për nder të dëshmorëve të rënë në Xhaminë e Sinan Pashës u organizua Mevludi dhe Duaja e Hatmes, ndërsa para konsullatës së Turqisë në Prizren u vendosën lule.
Ilir Gashi në emër të Grupit organizues tha se njësoj si para një viti siç ndodhi në Turqi që nëpërmjet salave nga minaret e xhamive populli turk u mobilizua për ta mbrojtur rendin juridik ne këtu jemi mbledhur për ta kujtuar atë natë e cila shpresojmë të mos përsëritet kurrë, tha ai dje.
Ai falënderoi pjesëmarrësit ndërsa shtoi ky marsh u organizua në solidarizim me popullin dhe shtetin turk. (b.an)
