Në vend po mbizotëron gripi agresiv i tipit A. Sipas specialistëve të Institutit të Shëndetit Publik për shkak të transmetueshmërisë së lartë të gripit dhe infeksioneve respiratore, që po shoqërohen me shenja klinike agresive, qytetarët duhet të kontantojnë me mjekun specialist për të shmangur format e rënda shëndetësore.
“Qarkullojnë të dy tipet e viruseve, të tipit A dhe B, dhe nga tipi A mbizotëron nëntipi AH 3. Shenjat klinike më të ashpra janë pothuajse gjithmonë nga tipi A, me luhatje mund të jetë njëherë tipi AH1, njëherë AH3”, u shpreh pidemiologu Artan Simaku.
Shtate janë qarqet me transmetueshmëri të lartë të gripit.
“Aktiviteti i gripit është i përhapur kudo, për ta filluar që nga veriu në qarkun e Shkodrës, Dibrës, Lezhës, Tiranë, Durrës, Vlorë dhe Beratit të cilët janë qarqet që paraqesin aktivitet më të madh të gripit. Është më i shprehur tek mosha pediatrike 0-15 vjec ku pozitiviteti i mostrave për gripin luhatet nga 50-70 %”, tha Simaku.
Në të gjithë vendin numri i infeksioneve të sipërme dhe të poshtme ka arritur në 23 mijë raste në javë. Epidemia e gripit është rikthyer pas 5 vitesh në popullatë.
