Kanë kaluar më shumë se 2 vjet nga nisja e proçesit të akreditimit të insitucioneve të arsimit të lartë, por në muajin tetor ministria e Arsimit do publikojë të dhënat për 6 universitete.
Lajmin e bëri të ditur ministrja e Arsimit, Lindita Nikolla, ku tha se në tetor do të publikohen të dhënat e para për Universitetet, kohë që përkon në fakt me hyrjen në auditore.
“Vijohet me 6 Universitetet e para, janë 4 Unversitete publike dhe 2 private. Raporti i parë dhe pastaj hap pas hapi për të vijuar. Nuk ka asnjë shmangie dhe asnjë vonesë nga gjithë kalendari që Agjencia britanike ka vënë në funksion të këtij proçesi”, tha Nikolla
Proçesi sipas Ministres së Arsimit po ecën me hapa të ngadaltë, por të sigurtë.
Nikolla theksoi se “nuk bëhen rokopujë dhe me atë nxitjen që ka çuar në të shkuarën në akreditime programesh që nuk plotësojnë kushtet ligjore, jo më kushtet cilësore. Në momentin që flasim jemi korrekt gjithë kalendarit të publikuar nga Agjencia britanike që ka të bëjë me rishikimin e gjithë legjislacionit shqiptar, rishikimin e situatave të vlerësimit të brendshëm në institucionet e arsimit të lartë, me proçesin e trajnimit të ekspertëve”
Universitetet e para që do të kalojnë në sitën e vlerësimit janë:
Universiteti Politeknik i Tiranës
Universiteti Bujqësor i Kamzës
Universiteti aleksandër xhuvani në Elbasan
Universiteti Lugj Gurakuqi në Shkodër
Si dhe dy Universitete jopublike.
