Ditët e para të 2020-ës kanë nisur me disa sherre të pazakonta për Alekta Vejsiun.
Ajo pas kritikave të motrave Vjollca, për pushimet në Dubai, mësohet se është telefonuar nga Getoar Selimi, i cili ka qenë edhe i revoltuar me prezantuesen e njohur.
Postimeve ironike të ditëve të fundit nga ana e Revistës Class që zotërohet nga Alketa Vejsiu, vendosi t’i bashkohej edhe aktori i humorit Rezart Veleshnja.
Në Instagram, aktori i humorit ka postuar një foto të vjetër të Alketa Vejsiut, kur moderatorja ishte në fillimet të karrierës së saj.
Mbi foto Veleshnja shkruan: “Unë them se Eminem do e kishte zili Alketën për 320 kilometra në orë të të folurit dhe do ishte krenar të bashkëpunonte me të.”
Qartazi, si fotoja ashtu dhe përshkrimi është një kunjë nga ana e tij, si për t’i dalë në mbrojtje koleges, Xhemi Shehut. Alketa Vejsiu pati një konflikt në distancë edhe me prezantuesen e “Portokallisë”, e cila me nota humori e kritikoi mbi fustanet e shumta që ndërroi ajo gjatë festivalit në RTSH.
Duket se ka nisur një “luftë e ftohtë” mes Alketës, disa prej rivaleve të saj në ekran, dhe një pjesë aktorësh.
“Ta dish Alketa që unë të kam shumë xhan, të adhuroj. Madje urrej këdo që të shan ty.”- ironizon Veleshnja, por duhet thënë se kjo është “goditje” edhe më e ulet se përshkrimi në postimin dedikuar Xhemit nga ana e Revistës Class.
“Ky postim i Veleshnjas s’ka asgjë më shumë se sa një zhargon “lagjeje” dhe më e keqja është se jemi aty ku ishim. Nga bullizmi në bullizëm. Siç u tha edhe në këtë artikull, NEVOJA që artistët (dhe kushdo tjetër që ndiqet nga një audiencë e caktuar) të ndërgjegjësohen dhe të mendohen disa herë para çdo mesazhi që i japin publikut, është URGJENTE!” – ka qene reagimi.
Rezi e kuptoi në kohë këtë dhe vendosi ta fshijë mesazhin, siç edhe u pretendua në replikat.
