Dalin pamjet nga momenti kur banesa në Astir ishte duke u shkrumbuar nga flakët. Siç duket nga pamjet e mëposhtme të siguruara nga “Balkanweb”, apartamenti është përfshirë totalisht nga flakët, duke detyruar nënë e birë, Hava dhe Klodian Osmënaj që të hidheshin nga dritarja. Kjo pasi flakët kishin bllokuar totalisht çdo dalje tjetër. 62-vjeçarja humbi jetën si pasojë e plagëve të marra nga rënia, ndërkohë që djali i saj ndodhet i plagosur në spital.
Pamjet e rënda janë filmuar nga një banor i pallatit përballë, ndërsa bie në sy fakti që ndërkohë që banesa digjet, në sfond dëgjohet ezani i hoxhës nga xhamia që ndodhet në zonë. Ndërkohë që zjarrfikëset nuk duken askund, pasi sipas banorëve u vonuan për të mbërritur në vendin e ngjarjes.
Mësohet se gruaja e cila humbi jetën në Astir ishte e divorcuar nga bashkëshorti dhe jetonte vetëm me djalin e saj në apartamenin i cili u përfshi mëngjesin e sotmën nga flakët. Dyshoet se djali i saj i cili ndodhet në spital jashë rrezikut për jetën kishte probleme të shëndetit mendor.
g.kosovari
