Në mesnatë në Serbi ka nisur heshtja parazgjedhore, e cila do të zgjasë deri në përfundim të votimeve, të dielën në orën 20, raportojnë mediet e Beogradit.
Të dielën qytetarët e Serbisë do të votojnë për anëtarët e rinj të Kuvendit të Serbisë, për deputetët e Krahinës së Vojvodinës dhe për këshilltarë të qeverisjes lokale.
Fletëvotimet për këto zgjedhjen e deputetëve popullorë, siç raportohet, janë botuar në 12 gjuhë të ndryshme, që do të shpërndahen nëpër komuna në përputhje me gjuhët që fliten atje, transmeton Koha.net.
Në këto zgjedhje janë të përfshira edhe tri komuna të Luginës së Preshevës, ku subjektet politike shqiptare nuk ia kanë dalë të krijojnë një trup të përbashkët, përmes të cilit do të mund të fitonin më shumë vende deputetësh në legjislativin e Serbisë.
Për votimin e serbëve të Kosovës për deputetë në Kuvendin e Serbisë do të përkujdeset OSBE-ja.
