Kryeministri Rama nuk ja ka përtuar sot të sqarojë në facebook-un e tij të gjithë të paqartët dhe skeptikët, duke ju përgjigjur pyetjeve të komentuesve, mbi reformën në Arsimin e Lartë.
Natyra pyetjeve ishte nga më të ndryshmet, që nga paqartësia deri te hallet e një populli që arsimin e do, por mundësitë jo pak herë e pamundësojnë shkollimin.
Ajo që është çështja më e diskutuar dhe ku qeveria është akuzuar edhe mbrëmë në seancë parlamentare nga opozita, është tarifa e studimit.
Sipas opozitës, të gjithë ata që janë studentë të mire, por janë në pamundësi ekonomike të paguajnë, do të mbeten pa shkollë.
Kryeministri Rama këtë përgjigje ja ka dhënë sot direkt në facebook një qytetari me emrin Lek Ukcenaj. Kur Ukcenaj ka qarë hallin e së bijës e cila ishte me meastare 9.4 dhe ai s’kishte mundësi ta shkollonte sepse ishte i papunë, Rama i është përgjigjur siç dhe e shihni në fotografimin e mëposhtme duke i thënë “Në rastin tuaj, vajza nuk do të paguajë asnjë qindrakë dhe shpenzimet e shkollimit të saj do t’i paguaj shteti”
