Në emisionin “Kjo Javë” të gazetares Nisida Tufa në “News24”, ka qenë e ftuar deputetja e Partisë Socialiste, Luljeta Bozo e cila ka komentuar ndër të tjera edhe protestën që opozita do të zhvillojë më 7 korrik.
E pyetur nëse është krijuar një formë pakënaqësie ndaj qeverisë që ka motivuar qytetarët të dalin në shesh, Bozo tha se nuk ka asgjë të keqe me dëshirën për të protestuar pasi është një detaj i rëndësishëm i demokracisë.
“Protesta nuk ka ndonjë gjë të keqe. Është një nga anët e forta të demokracisë, se është i lirë njeriu. Jo gjithmonë është e drejtë protesta, por edhe sikur 1% të protestojnë le të dalin’, tha ajo.
Sa i përket pikave të forta dhe të dobëta të qeverisë Rama, ajo u shpreh se ishte kryeministri ai që me “trastën në krah” siguroi fondet për Rindërtimin dhe përballimin e pandemisë duke vaksinuar popullatën.
“Kjo qeverie e Partisë Socialiste për mua ka drejtuar shumë mirë. Ra tërmeti dhe jemi i vetëm shtet që merr përsipër se brenda dy vitesh se aq e kishte parashikuar, ti fusë të gjithë njerëzit në shtëpi. Është i vetmi shtet, se kemi fqinjët tanë që kanë 15 vite nuk kanë ndërtuar akoma shtëpi. Ça tregon kjo? Se është një qeveri që punon për popullin apo jo. Le të jemi të ftohtë. Erdhi pandemia, Europa nuk na dha fonde, mori kryeministri trastën siç e ka thënë edhe vetë dhe shkoi i gjeti, i mori vaksinat. Ne e përballuam shumë mirë. Shteti na i siguroi. U gjetëm të papërgatitur, jo ne por gjithë bota. Është prishur i gjithë ekuilibri i botës nga kjo luftë. Të mos preken ato shtresat që janë shumë, shumë në nevojë ai mori disa masa që nuk i ka bërë asnjë shtet tjetër”, theksoi Bozo.
Por, Bozo pati kritika për trajtimin që po i bëhet fermerëve dhe lënien në baltë të bujqësisë, duke kërkuar më shumë investime në këtë sektor jetik të ekonomisë shqiptare.
Ajo gjithashtu theksoi nevojën që administrata të jetë më e përgatitur dhe më serioze në procesin e punës, pasi sipas saj janë duke sorollatur popullin nëpër sportele pa i ofruar asnjë zgjidhje.
“Në dy drejtime. Administrata duhet të punojë shumë më mirë, se i sjellin vërdallë njerëzit kur mund të punojë më mirë. Është humbje kohe dhe shkatërrim nervash. Administrata do një qilizmë, që çdo gjë që vjen nga populli duhet t’i japi zgjidhje menjëherë ose ta orientojë. E dyta mendoj që duhet filluar, duhet bërë. Janë bërë shumë investime dhe janë bërë shumë projekte për zhvillim e sektorit më të rëndësishëm që është bujqësia. Por shohim përditë nëpër lajme që atij i teprojnë mollët dhe i hedh, dhe thotë do pres dhe pemën e mollës apo qershinë. Ministria e Bujqësisë duhet të vërë në funksion të gjitha kapacitet që kemi ne në Shqipëri. Duhet t’i tregojmë fermerëve një orientim se cili prodhim kërkohet në treg një vit më përpara. Në njëfarë mase t’i sigurojë tregun ku do ta shesë, por edhe nëse ngelet malli të krijohen punishte ku dy tre fermerë bëhen bashkë dhe ai produkt përpunohet dhe shitet më pas”, u shpreh deputetja e PS.
“Ligjin e pensioneve e diskutuam në parim! PS një parti që shikon larg, ndryshe nga PD ka liri mendimi”
Deputetja e PS Luljeta Bozo në një intervistë në News24 u ndal edhe tek pensionistët, duke komentuar edhe ndryshimet në Partinë Socialiste.
Gjatë kësaj interviste ajo tha se propozimi i saj për pensionistët në njëfarë mënyrë është keqkuptuar, ndërsa shtoi se propozimi është diskutuar në parim.
Sa i përket opozitës, Bozo tha se vijon të jetë e përçarë dhe se nuk po arrin do që të bashkohet.
Pjesë nga intervista:
Propozimi për pensionet?
Bozo: Propozimin ma kanë kuptuar gabim. Unë jam shumë strikte dhe shumë e programuar. Që nga momenti që filluam seancën e parë, u diskutua në parim. Unë kam bërë një program dhe punën do ta nis nga evidenca e saktë. Sa pensionistë kemi në Shqipëri dhe të ndarë në kategori, do të shohim se kush është masa dërrmuese e pensionistë. Nëse janë nga 10 deri në 20 mijë atëherë brenda një periudhe pa marrë në konsideratë këto çmime që janë tani sepse janë nga koha e luftës, për të parë se si mund të jetë pensioni. Do të shohim se si do të jetë minimale. Do parë legjislacioni…Mua pensioni më doli 24 mijë lekë sepse ashtu ishte ligji. Duhet të rregullojmë ata që kanë dalë në pension para 2015, si mund ta rregullojmë, kjo është çështja.
Si ka qenë PS në këto vite, e parë në sytë tuaj, çfarë rrugëtimi ka pasur?
Bozo: Për mendimin tim në fillim njerëzit donin një përmbysje, liri…Por u zhgënjyen nga PD. Kur lindi PS kishte gjëra të mira sepse kishe liri mendimi që mungonte në PD. Jepte mundësi liri veprimi. Është një parti që shikon larg, mbron shtresat e mesme dhe të varfra, por duhet të dimë edhe si erdhën të gjithë ngjarjet. Sektori i ndërtimit në 2013 ishte në faliment, dhe qeveria u treguar e zgjuar që bëri një punë të madhe që i mbushi mendjen Bankës Botërore që të shlyente borxhin.
A ka diçka që duhet të bëhet më mirë?
Bozo: Mendoj që kur duhet të jepet gjykimi duhet parë, çfarë ka bërë, çfarë ka premtuar dhe ku çalon? PS qëkur erdhi nguli këmbë në disa reforma thelbësore, si fillim ishte Reforma territoriale.
Si e ndiheni tani në parlament?
Bozo: Në fillim më çuditi përsëritja e diskutimeve. Po ashtu nuk ndjehesha mirë kur dëgjoja fjalë të padenja,
Më tej ajo i shpreh: Kam akoma një libër, unë kam botuar 35 libra në profesion dhe një tjetër kam shumë vite që e kam nisur. Është një libër që nuk kam parë të jetë në literaturën teknike dhe që do të ndihmojë shumë inxhinierët. Por më duhet të gjej kohë për këtë./m.j
