Policia e Kosovës, në raportin e saj bën të ditur se orët e fundit, në Rr. “Adem Jashari” të Prizrenit janë arrestuar dy të dyshuar, meshkuj shqiptarë.
Atyre, sipas raportit, gjatë kontrollit të veturës u është gjetur një pistoletë e llojit Grizli me një karikator dhe 2 fishekë të kalibrit të panjohur, dhe dy kartëmonedha nga 200 euro, që dyshohet të jenë të falsifikuara.
Raporti saktëson se kartëmonedhat e dyshuara false janë konfiskuar, transmeton koha.net.
Të dyshuarit, ndërkaq, pasi janë intervistuar, me urdhër të prokurorit janë dërguar në mbajtje. (b.an)
