Policia e Kosovës ka arrestuar 20 të dyshuar për kontrabandë me cigare. Ky aksion është realizuar në bashkëpunim me Doganën e Kosovës. “Dogana në bashkëpunim me Policinë dhe Prokurorinë Speciale kanë ndërmarrë një hetim të gamës së gjerë, pasi që rasti në fjalë edhe është shënjestruar si një nga rastet më të mëdha të krimit të organizuar”
” Hetimi ka zgjatur afër gjashtë muaj, ku ka pasur për subjekt afër pesëdhjetë persona të dyshuar që ndër-veprojnë për të mundësuar krimin e organizuar ndërkufitar.” Aksionet, janë zhvilluar në Prishtinë, Mitrovicë, Vushtrri, Pejë dhe Gjakovë me kontrollet e realizuara në 68 qendra.
Përveç arrestimit të 20 personave janë konfiskuar edhe cigare në vlerë prej gjysmë milioni euro, transmeton Klan Kosova.
