Thellohet lufta mes aktivistes shqiptaro-amerikane, Evi Kokalari dhe Sali Berishës. Deri para disa javësh duket se kishte një “kimi” dhe “dashuri platonike” mes tyre, por duket se tani ka ndodhur divorci i madh mes ish-kryeministrit Berisha dhe aktivistes Kokalari.
Evi Kokalari ishte më e prekur nga shpallja “non grata” e Berishës dhe u angazhua fort për t’i hequr damkën. Mirëpo, duket se gjërat kanë ndryshuar. Pas sulmeve që bëri pak ditë më parë për garën në PD, Kokalari e ka kërcënuar Berishën. Ajo e ka krahasuar veten me ‘Kalin e Trojës”, teka ka shtuar se në “Foltore” erdhi me ftesë të Shkëlzen Berishës. Kjo deklaratë është e fortë, pasi emri i djalit të ish-kryeministrit del në çdo skandal, njëri prej të cilëve u mësua dje nga goja e zonjës Kokalari, e cila pretendon se në Partinë Demorkatike dhe në “Foltore” u katapultua me ndihmën e Shkëlzen Berishës.
Megjithatë, ky i fundit nuk e ka për herë të parë që lakohet se është përfshirë në afera korruptive dhe kriminale. Dy madje ia ka përmendur edhe Ilir Metaj, sot aleati i Berishës, i cili kur ishte kryetar i Kuvendit, u vendos në qendër të sulmeve të ish-kryeministrit Berisha.
Por në replikë e sipër Meta ia bëri të qartë Berishës se nuk jep më dorëheqjen dhe bëhet “kurban” për djalin e tij, Shkëlzen Berisha, për të cilin tha se e kishte dhënë në vitin 2011, ndërsa e akuzoi si ideator të video-përgjimet Meta-Prifti për bllokun 7-700 mijë euro që solli më pas edhe tragjedinë e “21 Janarit”, kohë kur me urdhër të ish-kryeministrit Sali Berisha u vranë në bulevard katër qytetarë. Po ashtu, emri i Shkëlzen Berishës përmendet edhe në aferën e “Gërdecit”, si i përfshirë në trafikun e armëve, tragjedi kjo që prodhoi 26 viktima dhe qindra të plagosur.
Po çfarë shkroi dje aktivistja shqiptaro-amerikane, Evi Kokalari? Kjo e fundit përmes një statusi në rrjetet sociale kërcënoi Berishën dhe gazetarin Çim Peka.
“Edhe diplomatët “top notch” i keni!! Po, po Kali i Trojës jam. Kali i Trojës së të djathtës Shqiptare. Jam Kali i Trojës i demokratëve të ndershëm që ju dhanë me shpirt për të mbrojtur dinjitetin e Sali Berishës. Ama, kur ju të gjithë talleni me dinjitetin tonë duke vjedhur pa pikë turpi votën, armiku jemi ne, jo ju!!!
Ju njerëz, as “damage control” nuk dini të bëni. Ndërkohë që po mundoheni të më etiketoni si të blerë dhe të shitur, akoma, asnjë nga ju nuk ka adresuar vjedhjet e garës së Forumit Rinor. Sepse gara është thelbi. Dhe z. Berisha, kujdes, se Kokalarët nuk janë Grekë. Patriotizmin dhe besnikërinë ndaj Shqipërisë kemi një shekull që e kemi vërtetuar. Ju as besnikërinë ndaj demokratëve nuk po e justifikoni dot. Oh, se harrova; nuk u vet ofrova. Me solli Shkëlzeni nëpërmjet Çim Pekës”, shkruan Kokalari.
/a.r
