Në pesë ditë, janë bërë 400 viktima në Siri, 150 janë fëmijë

Lufta që po vazhdon në Siri, çdo ditë e më shumë po shkakton pasoja edhe më të mëdha në njerëz.

Vetëm në pesë ditët e fundit, sipas raporteve ndërkombëtare janë vrarë mbi 400 njerëz.

Kështu të paktën ka shkruar në Facebook edhe ambasadorja e Kosovës në OKB, Vlora Çitaku.

Ajo ka thënë se prej 400 të vrarëve, 150 nga ta janë fëmijë.“Mbi 400 persona janë vrarë në Siri në pesë ditët e fundit. 150 prej tyre ishin fëmijë”, ka shkruar ajo. (b.an)