Policia e Kosovës pranë Stacionit policor në Pejë bën të ditur se të premten në mënyrë operative është njoftuar se një veturë e llojit ‘Toyota’ me targa vendore ishte duke qarkulluar në drejtim të qytetit Pejë dhe brenda këtij mjeti ishin pesë persona të cilët duhet të identifikoheshin dhe kontrollohen nga njësitet policore.
Njësite policore kanë reaguar menjëherë duke e ndaluar mjetin e dyshuar, ndërsa gjatë kontrollimit të personave dhe automjetit , në një çantë, pronë e shtetasit të dyshuarit R.O. (1983) kanë gjetur njëzet fishek të cal. 7.62 mm dhe një kapelë maskë.
Të njëjtën ditë hetuesit nga sektori i hetimeve pran Stacionit policor Pejë, në bashkëpunim me njësitin reagues, të mbështetur edhe nga NJRSH DRP Pejë kanë bastisur edhe dy lokacione të dyshuarit R.O. dhe të dyshuarit tjetër Sh.O. (1987).
