Pas qëndrimit zyrtar të ambasadës amerikane, të CDU-së së Merkel, të prezencës së OSBE dhe të Fleckenstein kundër bojkotit të PD, një tjetër ‘shuplakë’ vjen nga BE për Lulzim Bashën.
Bëhet fjalë për eurodeputetin sllovak Eduard Kukan, i cili foli gjatë një tryeze diskutimi në Parlamentin Evropian me titull “Kriza e demokracisë në Ballkanin Perëndimor”.
Kukan mori shembull disa nga vendet e Ballkanit Perëndimor dhe Shqiperine, që sipas tij, për shkak edhe të zhvillimeve të fundit, ka marrë vëmendje nga Bashkimi Europian.
“Askush në Bashkimin Evropian nuk e pëlqen bojkotin. Sjellja e hijes së të kaluarës nuk është e dobishme apo procesi i zgjerimit do të bëhet edhe më i vështirë me kalimin e viteve” theksoi eurodeputeti sllovak, Eduard Kukan
Ai nënvizoi se nacionalizmi është në rritje në vendet e rajonit dhe politikanët po e përdorin për të tërhequr votuesit e tyre.
“Nacionalizmi po rritet, më vjen keq që e them këtë dhe po keqpërdoret sidomos nga elita politike për t’i tërhequr votuesve të tyre. Bojkoti i Parlamentit po bëhet një lloj sporti në rajonin e Ballkanit. Shikoni përreth Maqedoninë, Shqipërinë, Malin e Zi, Kosovën! Kur ne diskutojmë për situatën e bojkotit të parlamentit, anëtarët e BE-së nga të gjitha grupet politike do të thonin se vendi për debat politik është Parlamenti.” u shpreh eurodeputeti
a.ç