Analisti Martin Leka ka komentuar gjendjen aktuale të opozitës shqiptare gjatë një interviste për “Ora e Fundit”.
Sipas tij, Kryeministri Edi Rama e ka kuptuar tashmë rëndësinë e të qeverisurit me një opozitë produktive, e cila sot luan një rol shumë të papërfillshëm në skenën politike.
Leka e ka cilësuar Sali Berishën si një lider të atrofizuar politikisht, duke theksuar se historia e PD-së nën drejtimin e tij mbetet e rëndësishme vetëm në fillimet e saj.
Gjithashtu, analisti kritikoi ashpër metodologjinë e brendshme të Partisë Demokratike, duke e etiketuar atë si më komunistën në vend.
“Rama e ka kuptuar që është shumë e rëndësishme të qeverisës, por më e rëndësishme është që të qeverisësh me një opozitë produktive. Sali Berisha tashmë është një lider i atrofizuar politikisht. E gjithë historia e PD me Sali Berishën në krye është shumë e rëndësishme në fillimet e saj, por e parëndësishme në ditët e sotme”, u shpreh ai.
Më tej analisti argumentoi se:
“Opozita është shumë pak e rëndësishme në skenën politike shqiptare. Metodologjia e PD është më komuniste brenda saj. Çdo kush duhet t’i thotë Berishës që duhet të largohet nga partia për të mirën e saj dhe të vendit”.
