Natën e së mërkurës deri në mëngjesin e së enjtes në Shkodër është organizuar një aksion policor me qëllim kapjen e të shumëkërkuarit Klement Balili.
Informacioni ishte që Balili kishte disa ditë në Shkodër, por një i burim i tha ABC News se informacioni në polici mbërriti vetëm dy orë para se të niste operacioni.
Klement Balili ndodhet në Shkodër. Ky informacion në rrethana operative vuri në lëvizje forcat speciale nga Tirana drejt qytetit të veriut tri netë më parë.
Rreth 30 trupa nga më të përzgjedhurit të mbështetur nga policia e Shkodrës, kontrolluan disa lokale në qendër dhe një hotel luksoz. Por për fat të keq nuk pati asnjë rezultat.
Ose informacioni ishte i pasaktë, ose Klement Balili kishte mundur të largohej në kohë derisa forcat speciale të Tiranës nisën aksionin, i tha një burim ABC News.
Madje janë kontrolluar edhe pikat kyçe në segmente ku mendohej se lëvizte Balili, por asgjë nuk u arrit.
Një burim policor i besueshëm i tha ABC News, se bëhej fjalë që Klement Balili ndodhej në Shkodër prej disa ditësh, por në polici informacioni mbërriti vetëm dy orë para operacionit.
Për njeriun e cilësuar si Eskobari i Ballkanit është vendosur edhe një shpërblim prej 5 milionë lekësh, por deri tani nuk ka asnjë sinjal se ku ai ndodhet.
43-vjeçari prej më shumë se 2 vitesh vijon arratinë, ndërkohë që mbetet një nga personat më të kërkuar në vend.
Balili, i akuzuar për trafik ndërkombëtar droge, në kërkim dhe i dënuar në Greqi i ka shpëtuar të gjitha operacioneve të organizuara nga policia për kapjen e tij.
/b.d
