Atje ku nuk ekziston asnjë formë e jetës – ka mbirë mrekullia, druri i jetës i cili është bërë njëri ndër atraksionet kryesore të Bahrejnit, duke tërhequr turistë të shumtë nga e tërë bota.
Druri i lartë pothuajse dhjetë metra i llojit “Prosopis genus” ka mbirë në pjesën shkretinore në të cilën asnjë bimë tjetër nuk ka mundur të rritet.
Meqenëse në atë pjesë nuk ekziston asnjë burim uji, banorët vendës fatin e këtij druri e shikojnë si mrekulli të vërtetë.
Për shkak të legjendës magjike mbi ekzistencën, “Druri i jetës” është shndërruar në atraksion të vërtetë, andaj vlerësohet që më shumë se pesëdhjetë mijë turistë në vit shkojnë në Bahrejn për t’u kënaqur duke shikuar drurin madhështor.
Pikërisht për shkak të veçantisë magjike të cilën ia përshkruajnë, ky dru shpesh është cak i shumë ritualeve religjioze apo magjike.
Kurora e bujshme e drurit është shumë atraktive për turistët, mirëpo jo më pak të mrekullueshme nuk janë edhe rrënjët e këtij “luftëtari” të shkretëtirës.
Në të vërtetë lloji i drurit “Prosopis genus” është i njohur për sistemin e degëzuar të rrënjëve, të cilat në këtë rast shkojnë dhjetëra metra në thellësi dhe po aq në gjerësi.
Për fat të keq nuk është numri i vogël i atyre të cilët dëshirojnë t’i lënë gjurmët në këtë dru, andaj trupi i tij është i mbuluar me porosi të gdhendura.
Druri gjendet në bregun ranor të lartë më shumë se shtatë metra, të vendosur në shpatin e “Malit të tymit”, siç e quajnë banorët këtë kodër “Jabal ad Dukhan”. /NGJYRA.COM/a.m.
