Arjan Hoxha, kandidat për deputet në listën e Partisë Demokratike, u shpreh në Programin e drekës në Neës 24 se do të paraqesë një program të mirë për qytetarët. Ai theksoi se një nga pikat kryesore të këtij programi është ulja e çmimit të energjisë elektrike, duke ndarë një shembull konkret: “Nëse një person sot paguan 80 mijë lekë për energji elektrike, me programin tonë do të paguajë vetëm 40 mijë.”
Hoxha theksoi gjithashtu shqetësimet për gjendjen e ekonomisë në vend, ku qytetarët po përballen me vështirësi për të mbajtur një punë me paga të ulëta, ndërsa shumë profesionistë nuk shohin më perspektivë në Shqipëri. Ai përmendi si zona të tij të influencës Kamzën dhe Paskuqanin, duke theksuar se këto zona janë të betonizuara dhe se ka nevojë për më shumë investime dhe zhvillim. Sipas Hoxhës, bizneset në Kamëz janë të detyruara të kontribuojnë për realizimin e projekteve, por ai e shpjegoi këtë si një praktike të ndryshme nga dhurimi.
Programi i tij synon gjithashtu të zgjerohet edhe në fshatra të tjera të qarkut të Tiranës, për të përmirësuar kushtet e jetesës dhe infrastrukturën.
Arjan Hoxha: Dalim përpara qytetarëve me një program fantastik. Do të përgjysmojmë çmimin e energjisë elektrike. Nëse një person sot paguan 80 mijë lekë të vjetra, do të paguajë 40 mijë. Në këtë vend, qytetarët kanë frikë, pasi duan të mbajnë një punë me paga qesharake. Profesionistët nuk po shohin më të ardhme në Shqipëri. Zona ime e influencës është Kamza e Paskuqani, por programin e shtrijmë edhe në fshatra të qarkut të Tiranës. Edhe Kamza e Paskuqani janë betonizuar. Te Liqeni i Paskuqanit s’është bërë gjë e madhe, janë bërë ca drita aty. Bizneset në Kamëz janë detyruar që të japin diçka për të bërë projektet. Dhurimi dhe shtrëngimi janë gjëra të ndryshme.
